Tiranë – Ministria e Financave ka bërë të ditur se të gjitha pagat dhe pensionet do të shpërndahen në kohën e duhur dhe jo në muajin janar, duke sqaruar opinionin publik se nuk do të ketë asnjë shtyrje për pagesat mujore.
Kjo ministri thekson se brenda muajit Dhjetor të gjitha shpërblimet prej 1 miliard lekë, sipas vendimit të qeverisë do të shpërndahen për punonjësit e administratës publike në masën 10 mijë dhe 15 mijë lekë si dhe për pensionistët në shumën 2500 lekë.

“Brenda muajit Dhjetor do të përfundojnë edhe të gjitha pagesat e prapambetura prej 400 milion lekë për personat me aftësi të kufizuara dhe ata që përfitojnë ndihmë ekonomike”, thekson Ministria e Financave.

“Ministria e Financave sqaron se lajmet e shpërndara për pamundësi financiare të pagimit të pensioneve, pagave dhe shpërblimeve të fundvitit, janë të rreme dhe dashakeqe. Gjendja financiare e llogarisë të Thesarit mundeson respektimin dhe zbatimin e plote të buxhetit të shtetit miratuar në Parlament”, përfundon deklarata.

start