Blerina Hoxha
Shkurtimet ne shpenzimet e buxhetit 2010 nuk do te prekin rritjen e pagave dhe te pensioneve. Garancine e ka dhene dje kryeministri i vendit, Sali Berisha gjate mbledhjes se qeverise. "Ka dhe nje vendim per pagat, per te cilat me duhet te theksoj se do te rriten. Gjithashtu edhe pensionet do te rriten. Qytetaret shqiptare duhet ta kene shume te qarte zotimin para tyre. Sa te na votojne do te kene rritje rrogash dhe pensionesh. Kjo eshte nje kontrate te ciles ne i qendrojme", u shpreh dje kreu i qeverise. Ndryshimet Ne fakt vendimi per rritjen e pagave vjen pas nje konsulte me Misionin e Fondit Monetar Nderkombetar, i cili i ka rekomanduar qeverise qe te aplikoje nje politike te shtrenguar shpenzimesh, ne menyre qe te mos rrise borxhin por te synoje kthimin e tij ne 3 per qind te Prodhimit te Brendshem Bruto, nga rreth 7 per qind qe eshte aktualisht. Ne keto kushte qeveria shqiptare ka vendosur te shkurtoje shpenzimet ne buxhetin e ketij viti me rreth 25 miliarde leke. Nderkohe qe FMN nuk eshte mjaftuar me kete shume duke i rekomanduar qeverise nje rishikim tjeter buxhetit per shkurtim te metejshem te shpenzimeve. Nderkohe qe kryeministri Berisha ka pohuar se ne te gjithe kete shtrengim buxhetor, rritja e pagave dhe pensioneve nuk do te cenohet. Sipas ligjit te buxhetit 2010, rritja e pagave dhe pensioneve do te nise qe nga 1 korriku i ketij viti. Keshtu sipas percaktimeve qe kane bere ne buxhetin e 2010 rritja e pensioneve do jete nga 7 deri ne 10 per qind, ndersa e pagave nga 4 deri ne 10 per qind. Per sa i perket pensioneve, rritjen me te madhe do ta kene ato te fshatit, pasi objektivi i qeverise eshte barazimi i tyre me pensionet e qytetit brenda kater viteve te ketij mandati. Ndersa lidhur me pagat, rritja me e madhe do te jete per ato te uletat. Rritjet Per vitin 2010 parashikohet nje rritje e pensioneve ne masen 7-10%, nderkohe qe rritja e pagave te punonjesve buxhetore ne masen 4-10% e diferencuar, sqarohet ne relacionin qe ka shoqeruar buxhetin e 2010-es. Fondi per pagat gjate vitit 2010 do te jete rreth 624 milione USD, ne krahasim me rreth 572 milione USD qe ka qene nje vit me pare. Per sa i perket rritjes se pagave pensioneve, qeveria ka parashikuar nje fond prej 30 milione USD per te perballuar rritjen e tyre. Ne buxhetin e ketij viti eshte parashikuar nje fond i konsiderueshem prej 12.4 miliarde leke (rreth 138 milione USD) si kontigjence dhe fond rezerve. "Ky fond eshte i perbere nga 2 miliarde leke fond rezerve i Keshillit te Ministrave, i cili krijohet dhe perdoret ne perputhje me ligjin per menaxhimin e sistemit buxhetor ne Republiken e Shqiperise; 2.7 miliarde leke kontigjence per te perballuar efektet financiare te politikave te rritjes se pagave dhe te pensioneve dhe 7.7 miliarde leke, kontigjence e parashikuar per ruajtjen e deficitit. Qellimi kryesor i parashikimit te fondit te kontigjences eshte i lidhur me eliminimin e riskut ne procesin e zbatimit te buxhetit te shtetit", thuhet ne relacionin e projektbuxhetit. Por fondi rezerve dhe ai i kontigjences se nje viti me pare, ka pasur nje shume prej 2.5 miliarde leke me te madhe se ne vitin 2010. Pagat dhe pensionet ne shifra -Rritja e pagave dhe pensioneve per 2010 hyn ne fuqi me 1 korrik. -Rritja e pensioneve do jete nga 7 deri ne 10 per qind, -Rritja e pagave nga 4 deri ne 10 per qind. -Fondi per pagat gjate vitit 2010 do te jete rreth 624 milione USD, -Ne buxhetin e ketij viti eshte parashikuar nje fond i konsiderueshem prej 12.4 miliarde leke (rreth 138 milione USD) si kontigjence dhe fond rezerve, ku rreth 2.7 miliarde leke jane llogaritur perballuar efektet financiare te politikave te rritjes se pagave dhe te pensioneve.
koha jone