Teksa socialistet e ngujuar ne greven e urise ne Bulevardin "Deshmoret e Kombit" perballe selise se Kryeministrit prisnin qe kryetari Rama te vinte dhe t'i vizitonte, dje ata jane perballur me lajme kontradiktore. Ku njehere njoftoheshin se kryetari i tyre kishte mberritur ne Bruksel per te bere prezent perpara zyrtareve evropiane qendrimin e tij per greven e urise dhe per protesta, ndersa pak me vone jane njoftuar se Rama nuk eshte ne Bruksel, por eshte jashte Shqiperise. Zyra e shtypit e Partise Socialiste ne menyre informale ka shperndare ne mesdite lajmin se kryesocialisti Edi Rama eshte nisur drejt Brukselit per te zhvilluar takime me komisionere te Komisionit Evropian ne perpjekje per zgjidhjen e krizes. Disa media duke iu referuar burimeve prane Partise Socialiste kane bere publik lajmin ne ekranet dhe ne uebsite e tyre. E pyetur nga Klan, zedhenesja e kesaj partie ka pohuar lajmin, por duke shtuar se lajmi nuk eshte zyrtar. Por TV Klan ka siguruar informacione zyrtare nga pika kufitare e Aeroportit te Rinasit qe vertetojne se Edi Rama ka dale nga aeroporti "Nene Tereza" paraditen e djeshme, por destinacioni i tij nuk eshte Brukseli, sic u perhap qellimisht lajmi ne Tirane por Parisi. Njerezit prane Rames jane perpjekur te keqinformojne mediat me synimin e qarte per te justifikuar largimin e Rames nga bulevardi "Deshmoret e Kombit", ku po zhvillojne greven e urise rreth 200 socialiste, ne bulevardin "Shamps Elize" ne Paris, ku kryesocialisti po perpiqet te pushoje dhe te largoje stresin e krijuar nga kjo jave e ngjeshur me protesta dhe greve urie. Nderkohe qe jane bere publike per Klan dhe biletat e udhetimit te kryesocialistit. Madje sipas informacioneve qe kane ardhur dhe nga Brukseli, mesohet se kryesocialisti Rama nuk ka lene asnje takim zyrtar apo privat me ndonje nga komisioneret e Bashkimit Evropian, apo zyrtare te tjere te larte. Njeheresh, me i sakte ka qene vetem nje nga njerezit me te afert te kryetarit socialist, Endri Fuga, i cili ka deklaruar se Rama eshte jashte vendit, por jo ne Bruksel. Nderkohe qe kryetari i socialisteve ka mberriture dje ne Paris, per t'u kthyer sot ne Tirane, gjithashtu jo me linjen e Brukselit. Keshtu per 24 ore, kryetari i selise roze nuk do te jete prane grevisteve te urise, sic ka bere shtate ditet e fundit, pasi eshte nisur per nje vizite ne kryeqytetin belg por zyra e shtypit e Partise Socialiste nuk ka zbardhur axhenden e takimeve qe Rama do te zhvilloje, nderkohe qe mesohet se ka udhetuar drejt Parisit. Ne mungese te kryesocialistit greva e urise ne Bulevardin Deshmoret e Kombit ka hyre ne diten e saj te tete dhe gjendja shendetesore e grevisteve eshte perkeqesuar ndjeshem. 2 greviste te tjere kane lene greven e urise pas mesdites dhe jane larguar me urgjence per te marre ndihme mjekesore ne spital, ndersa cadrave te urise i eshte rikthyer i riu nga Tirana Demo Muhaj per te deshmuar se te ngujuarit jane te vendosur per te luftuar deri ne zgjidhje te kauzes se tyre, hapjen e kutive te zgjedhjeve te vitit te shkuar.

koha jone