Paris, Berisha në seminarin ‘Bota e Re 2012′

Kryeministri Sali Berisha merr pjesë sot në Seminarin “Bota e Re 2012: Rritje, Ndryshim, Risi”, i cili zhvillohet në Paris.

Sipas zyrës për shtyp të kryeministrit bëhet e ditur se Berisha është i ftuar nderi në këtë Seminar dhe do të mbajë një fjalë në ditën e parë të punimeve të tij, në panelin me temë “Cilat janë fuqitë e reja?”, i cili synon të vërë në pah ato vende, ekonomitë e të cilave njohën rritje ekonomike, në kuadrin e përgjithshëm të krizës dhe të recesionit ekonomik botëror.

Ky Seminar organizohet nga ministri francez i Energjitikës, Eric Besson, nën kujdesin e Presidentit Nicolas Sarkozy. Në këtë Seminar do të diskutohet për modelet e reja të rritjes ekonomike, për fuqitë e reja ekonomike në botë dhe mbi vlerat e reja që duhet të ketë bota mbas krizës ekonomike e financiare, si dhe mbi rolin e Evropës në ekuilibrat e rinj ndërkombëtarë.

“Gjatë fjalës së tij, kryeministri do të paraqesë modelin liberal ekonomik të ndjekur nga qeveria shqiptare dhe reformat strukturore të bëra prej saj, si çelësi i suksesit ekonomik të Shqipërisë dhe faktorët themelor që Shqipëria i rezistoi krizës ekonomike financiare botërore, duke pasur rritje ekonomike”- thuhet në njoftimin për shtyp.

Kryeministri Berisha do të marrë pjesë në pritjen e organizuar nga Presidenti i Republikës Franceze Nicolas Sarkozy, për nder të pjesëmarrësve në Seminar.

Në Seminarin, i cili do të çelet në prani të kryeministrit francez Fracois Fillon dhe Emirit të Katarit Sheik Hamad bin Khalifa Al Thani do të marrin pjesë një numër personalitetesh të shquara ku përfshihen, Zëvendës/Presidenti i Komisionit Evropian Antonio Tajani, kryeministri Italian Mario Monti, kryeministri i Çekisë Peter Necas, ministri i ekonomisë dhe tregtisë së jashtme i Luksenburgut, ministrja franceze e buxhetit, ministri i financave i Kilit, ministri francez i ekonomisë, financave dhe industrisë, ministri i financave të Polonisë, ministri i zhvillimit ekonomik dhe infrastrukturës së Italisë, si dhe drejtues kompanish, lider në botë dhe akademikë në fushën e ekonomisë.
Panorama

Paris, Berisha në seminarin ‘Bota e Re 2012′

Paris, Berisha në seminarin ‘Bota e Re 2012′

Paris, Berisha në seminarin ‘Bota e Re 2012′ :: Komentet