Uidhers në SHBA, për të dëshmuar për trafikun e armëve
Nga Përparim HALILI - Trafiku i armëve të Gërdecit, i organizuar nga qeveria e drejtuar prej Sali Berishës, ka futur në lojë dhe ambasadorin e SHBA në Tiranë, zotin Uidhers. Edhe pse ky është munduar të jetë jashtë kësaj loje, nuk ka mundur ta fitoj dot këtë "status" shpëtimi, mbasi dëshmi dhe dhe akuza të shumta të niveleve të larta zyrtare që kanë ardhur që prej SHBA dhe konkretisht, prej Kongresit Amerikan e kanë përfshirë këtë personazh diplomatik, në aferën e Gërdecit. Fakti, që në letrën e kongresmenit Uksman përmendet takimi intim i mesnatës brenda në ambasadën e SHBA në Tiranë, mes Uidhërsdhe ish-Ministrit të Mbrojtjes Shqiptare, Fatmir Mediu, ka një kuptim tjetër problematik dhe denoncues për këtë përfaqësues diplomatik. Për më tepër, që Uidhers, ka biseduar "kokë më kokë" me Mediun, pikërisht për Gërdecin, duke bërë pakt me qeverinë shqiptare, për të pranuar dhe toleruar falsifikimin e markës së fishekëve dhe municioneve të tjera kineze, të cilat po trafikoheshin në Afganistan si municione prodhim shqiptar. Ky falsifikim, që ka dhe vulën e një përfaqësuesi diplomatik, shteti i të cilit ka financuar me 300 milion dollarë tregun e municioneve për luftën në Afganistan, nuk mund të anashkalohet lehtë. Dhe ky fakt, përbën një skandal, për arsyen se ambasadori i SHBA në Tiranë, Uidhers, ka mbrojtur korrupsionin e qeverisë "Berisha". Ndaj dhe dy ditë më parë, ambasadori Uidhers, "fluturoi me urdhër nga qeveria amerikane, për të dhënë llogari përpara Kongresit Amerikan, në lidhje me trafikun e municioneve të Gërdecit. Kjo thirrje për Uidhers, erdhi pas arrestimit dhe marrjes në pyetje të Diverolit, kreut të trafikut të municioneve në SHBA. Tashmë, ambasadori Uidhers gjendet përballë tavolinës së hetimit për këtë trafik, të cilin jo vetëm e ka stimuluar, por dhe e ka ndihmuar me fshehje të së vërtetës në dobi të klanit mafioz, që shtrihej në linjën Shqipëri-SHBA-Pentagon. Akuza e kongresmenit Amerikan Uksman, ishte sinjali i parë i denoncimit të përfshirjes së Uidhers në këtë trafik dhe krejt natyrshëm, kjo akuzë ka bërë efektin e vet për të nisur procedurën në instituicienet më të larta amerikane. Uidhërs është denoncuar për aferën e tij në lidhje me Gërdecin edhe prej gazetës "SOT", por nuk ka reaguar, ndërkohë që ne disponojmë fakte, se ky ambasador ka qënë palë, qoftë edhe e heshtur pë të sulmuar gazetën "SOT" e cila ka publikuar skandale te qeverisjes së inkriminuar e të penalizuar të Sali Berishës në shumë afera korruptive dhe krime njerëzoe, një nga të cilët dhe më kulmori është tragjedia e Gërdecit, për të cilën ambasadori i SHBA në Tiranë, zoti Uidhers është thirrur në Kongresin Amerikan, për t'u pyetur në pozicionin e të hetuarit. Gjatë ushtrimit të funksionit të tij si përfaqësues diplomatik, zoti Uidhërs, ka dhënë prova të bashkëpunimit me qeverinë shqiptare, të drejtuar nga trafikanti Sali Berisha, por në drejtimin e implikimit në afera. Ai ka dalë kohë më parë, në konferencë shtypi dhe ka kërkuar që të luftohet korrupsioni tek infermierët dhe sanitaret e spitaleve. Por nuk ka thënë asnjë fjalë për privatizimet mafioze të kompanive strategjike shqiptare, si ARMO, Albeteleconm dhe KESH. Përkundrazi, ka heshtur dhe madje ka marë pjesë në ceremonitë e nënshkrimit të akteve të shitjes së tyre, duke i konsideruar noramale. Dhe qëndrimin e tij heshtës dhe prej ortaku me aktet korruptive të qeverisjes së Berishës, ambasadori Uidhers e mbajti me trafikun e Gërdecit, të cilin e bekoi edhe me takimin që pati me ish-ministrin e Berishës, zotin Mediu brenda në institucionin diplomatik të SHBA, ku ra dakort, që municionet kineze të quheshin shqiptare. Ambasadori Uidhers, ka ushtruar veprimtari bllokuese për luftën kundër korrupsionit në Shqipëri, për më tepër të nivelit të korrupsionit, që ka lidhje me zyrat e pushtetit aktual. Zoti Uidhers, gjendet tashmë në SHBA, piëkrisht për akuzën e përfshirjes së tij në trafikun e armëve të Gërdecit. Ai ka detyrimin të shpjegohet dhe kjo është e pashmangshme. Por a do të thotë të vërtetën? A do të jap shpjegime, se me çfarë tagri e bëri takimin e mesnatës, me Mediun? A do të jap shpjegime, se përse nuk ka kërkuar argumente prej kryeministrit shqiptark për Gërdecin dhe trafikun e armëve? A do të sqarojë kongresin, në lidhje me akuzën për oratkllëk në pranimin e falsifikimit të vendprodhimit të municioneve? Të gjitha këto e kërkojnë një shpjegim. Por fakti, që trafiku dhe tragjedia e Gërdecit, kanë përmasa ndërshtetërore, duket se kërkon një hetim më të gjerë. Ndërsa ambasadori i akuzuar dhe i marrë ne hetim, zoti Uidhers, gjendet në SHBA për shpjegime në lidhje me skandalin që i ka mbetur në dorë, në Shqipëri nuk ka ende asnjë lëvizje për marrjen si të pandehur, të bashkëbiseduesit të tij, ish ministrit të Mbrojtes Fatmir Mediu dhe as të akuzuarit tjetër direkt, kryeministrit shqiptar, Sali Berisha, i cili ka firmosur dhe ka vulosur VKM-të për aktivitetin e këtij trafiku municionesh dhe që madje, ka lejuar falsifikimin e markës së municioneve. Përkundrazi, ish-minsitri Mediu, sikur të mos ketë ndodhur asgjë, ka lëshuar dje thirrjen ndaj kryeministrit Sali Berisha, për post të lartë në qeverisje. Kjo është absurde, por jo e pa kuptueshme, mbasi ky trafik që ka patur si destinacion Pentagonin, natyrisht që ka vështirësi për të shkuar përballë drejtësisë. Por që duhet hedhur ky hap edhe pse këtë trafik e kanë organizuar drejtues të pushtetit, nga të cilët ka dalë në skenë dhe emri i ambasadorit të SHBA në Tiranë, Uidhers. Dhe fjalët, sado qofshin të tilla, nuk dalin kot.

Ambasadori Uidhers në bashkëpunim me Mediun, mashtruan Shtetin Amerikan për origjinën e municioneve kineze
Nëpërmjet një letre drejtuar Sekretares së Departamentit të Shtetit zonjës Kondoleza Rice, në emër të Kongresit Amerikan, kryetari i Komisionit Mbikëqyrës të Reformave dhe Sigurisë zoti Henry A.Ëaxman, përshkruan implikimin e Ambasadës Amerikane në aferën e armëve dhe në mashtrimin që i është bërë shtetit amerikan. Në letrën e zotit Ëaxman, del e qartë përfshirja e ambasadorit amerikan në Tiranë, zotit Uidhers, në fshehjen dhe manipulimin e provave që vërtetonin se në Gërdec po bëhej falsifikimi i armatimeve nga qeveria shqiptare. Gjithashtu kjo letër ka për bazë dëshmitë tronditëse të majorit Larry Harrison, shefi i zyrës për bashkëpunimin në mbrojtje në ambasadën amerikane në Shqipëri. Majori Harrison përshkruan momentin sesi ambasadori amerikan në bashkëpunim me Ministrin e Mbrojtjes Mediu dhanë urdhër për të zhdukur provat e fishekëve amerikanë që paketoheshin në Gërdec. Tashmë linja qeveritare e mafies së trafikut të armëve, po del e lidhur edhe me diplomatë amerikanë sipas linjës që përshkruan letra e zotit Ëaxman. Më në fund mesa duket po nis të zbardhet pak nga pak ajo çka lidh Gërdecin me trafikun e armëve. Më në fund po zbardhet dhe këmbëngulja e ambasadorit amerikan për të heshtur për tragjedinë e Gërdecit, takimet e tij me politikanët shqiptarë që të mos të ndiheshin për Gërdecin dhe për atë çka ndodhte me trafikun e armëve. Gazeta SOT nuk ka heshtur për asnjë moment duke paralajmëruar qartë se edhe “babai i Kombit” zoti Uidhers ka gisht në këtë lojë, lojë që duhet të pasohej me mbylljen e gojës së gazetës SOT, me sulme që u ndërmorën nga pushteti i Berishës dhe që u miratuan në heshtje nga ky ambasador. Më poshtë po pasqyrojmë të plotë letrën e zotit Henry A. Ëaxman, letër e cila zhvesh lakuriq pafytyrësinë e politikës shqiptare në ngjarjet e Gërdecit dhe të trafikut të armëve si dhe përfshirjen e diplomatëve amerikanë në këtë aferë.

Pjesë nga letra, drejtuar sekretares së Shtetit Amerikan, nga kongresmeni Waxman

E dashur sekretarja Rice,
Komisioni Mbikëqyrës ka marrë një informacion se ambasadori amerikan në Shqipëri, ka mbajtur një takim në orët e vona me Ministrin e Mbrojtjes shqiptar, të cilit ambasadori i aprovoi heqjen e provave të origjinës ilegale kineze të municioneve të armatimeve që dërgoheshin nga Shqipëria, Afganistan nga një kontraktor amerikan. Komiteti gjithashtu ka marrë informacione se zyrtarët e departamentit të shtetit janë përpjekur t’ia fshehin këtë informacion këtij komiteti. Më 9 qershor 2008, stafi i komitetit mori në intervistë majorin Larry Harrison, shefi i zyrës për bashkëpunimin në mbrojtje në ambasadën amerikane në Shqipëri. Sipas majorit Harrison: Më datë 19 nëntor 2007, ambasadori amerikan në Shqipëri dhe ndihmësit e tij më të afërt u takuan me ministrin e mbrojtjes shqiptar për të diskutuar mbi kërkesën e bërë nga NYT, për të vizituar një fabrikë në Shqipëri, ku kontraktuesja amerikane e armëve, AEY Inc, po hiqte armatimet kineze nga paketimet origjinale përpara se ti dërgonte ato në Afganistan. Si rezultat i një diskutimi që zgjati deri vonë Ministri i Mbrojtjes së Shqipërisë urdhëroi një nga gjeneralët e lartë të zhdukte provat e paketimeve kineze një ditë përpara se fabrika të inspektohej. Majori Harrison tha për komisionin, ambasadori ra dakord se kjo do të lehtësonte dyshimet mbi këto gabime. Në kohën ku u bë diskutimi, AEY, ishte nën hetim për trafikim ilegal armësh përfshirë municionet kineze. Major Harrison tha për komisionin se ai nuk ishte dakord me vendimin për të hequr shenjat kineze dhe nuk ndjehej i qetë gjatë këtij takimi. Për më tepër, duket se zyrtarët e ambasadës, menduan t’ia fshihnin këtë informacion komisionit. Komisioni i kërkoi Departamentit të Shtetit të sigurojë informacione në lidhje me takimet ndërmjet zyrtarëve të ambasadës dhe Ministrit të Mbrojtjes së Shqipërisë, si edhe informacione rreth ndërhyrjeve mbi operacionin e ripaketimit të AEY. Megjithëse rrethanat janë të ndryshme, provat që ka marrë komisioni sugjerojnë se të paktën në një rast zyrtarët e ambasadës luajtën rol në fshehjen e origjinës kineze të municioneve. Këto prova ngrenë pikëpyetje mbi rolin e Departamenti të Shtetit në ngarkesat me municione ilegale kineze dhe sinqeritetin në përgjigjet e Departamentit drejtuar këtij komisioni. Për të asistuar komisionin në vazhdimin e hetimeve, unë kërkoj që shumë zyrtarë të ambasadës të paraqiten përpara komisionit për intervistë. Gjithashtu kërkoj që ju ti jepni dokumente thelbësore këtij komisioni. Më 25 mars 2008 Departamenti i Mbrojtjes e pezulloi AEY, për kontratat e ardhshme me çdo agjenci qeveritare të SHBA. Bazat për këtë pezullim janë provat se nën kontratën me ushtrinë për të siguruar municione për forcat e rendit në Afganistan, AEY, bleu municione në Shqipëri, të cilat ishin prodhuar në R.P Kineze, gjatë viteve 62-74. Ligjet amerikane ndalojnë blerjen e municioneve të prodhuara në Kinë. Pezullimi nga Departamenti i Mbrojtjes, gjithashtu është i bazuar në provat se AEY, bëri deklarata false rreth origjinës së vërtetë të këtyre municioneve kineze. Më 25 nëntor 2007 presidenti i AEY, Efraim Diveroli, paraqiti një certifikatë në Department që provonte se prodhuesi i municioneve për këtë kontratë ishte MFS 2000, një kompani hungareze. Ky pohim ishte një nga ato që z.Diveroli e dinte që ishte false ose nuk përputheshin, kjo sipas zyrtarit të pezullimit në Departament. Pezullimi i AEY, nga ana e Departamentit të Shtetit erdhi dy ditë përpara se artikulli i gjatë i NYT, të bënte të ditur publikisht se AEY, kishte dërguar në Afganistan qindra mijëra fishekë të prodhuara në Kinë, duke e bërë prokurimin e tyre si thyerje të mundshme të ligjeve amerikane.
Sot