Kujdes kur te shkoni ne Shqiperi per pushime. Merrini pijet me vete ose mos konsumoni pije ne lokale sepse mund ta pesoni si çifti i artikullit me poshte. Si ky çift jane me dhjetra qe kane vdekur ose jane paralizuar apo kane pesuar demtime te tjera shendetesore nga pijet qe kane konsumuar ne lokale te ndryshme po qe nuk jane identifikuar sepse askush nuk ka marre persiper ti hetoje keto raste, prandaj mos tju duket rastesi fakti qe del ne kete artikull.Në shishen e verës që po konsumonin Tomi Rrumbullaku dhe Diana Xibraku, në një restorant në Golem, kishte një sasi prej 150 gramësh lëndë narkotike e llojit kokainë. Ekspertiza në Ministrinë e Brendshme ka përcaktuar shkakun e vdekjes së çiftit që është nga overdoza. Hetues pranë Prokurorisë së Krimeve të Rënda, që po hetojnë një trafik të mundshëm të lëndëve narkotike nga shishet e verës, thanë se ekspertizat e kryera në Laboratorin Shkencor provuan ekzistencën në shishen e verës 0.75 l të një doze prej afro 150 gramë lëndë narkotike e llojit kokainë. Sipas burimeve, këto analiza u kanë shërbyer hetuesve të marrin në konsideratë pistën për një trafik të mundshëm narkotikësh, duke kërkuar origjinën e shishes së verës, vendin nga ka ardhur, që besohet se është jashtë shtetit dhe destinacionin e saj. Hetuesit thonë se rasti i trafikut të drogës përmes fshehjes së saj në lënde të lëngshme edhe pse i rrallë, nuk është i panjohur për strukturat hetimore shqiptare. Sipas hetuesve, droga e përzierë me lëndë të lëngshme me mbërritjen në destinacion i nënshtrohet një procesi që ndryshe njihet tharje për t‘u kthyer sërish në gjendjen e mëparshme. Sipas prokurorisë, grupi hetimor po mbledh të dhëna për zbardhjen e kësaj ngjarjeje.
Prokuroria e Krimeve të Rënda ka marrë nën hetim ngjarjen e ndodhur në janar të këtij viti në një restorant të fshatit Golem të Kavajës, kur shtetasit Tomi Rrumbullaku dhe Diana Xibraku gjetën vdekjen pas konsumimit të një shisheje vere e përzier me doza të larta kokaine. Hetimi është kryer me mbledhjen e provave materiale dhe disa dëshmive, të cilat janë administruar në një fashikull hetimor që tashmë ndodhet në duart e prokurorëve të Krimeve të Rënda. Më parë, Ministria e Brendshme delegoi dosjen, pasi nga hetimet paraprake kanë lindur dyshimet se një grup kriminal kryen trafik droge duke përzier kokainën me verë. Shkak për zgjerimin e hetimeve ka qenë ngjarja e ndodhur në Golem kur një çift humbi jetën, pas konsumimit të një sasie vere që i kishte rënë rastësisht në dorë shtetasit Tomi Rrumbullaku. Pas analizës së verës dhe gjakut të viktimave, rezultoi se ata kanë konsumuar verë të përzier me kokainë.

Por, asnjëri nga viktimat nuk njihej si person që konsumonte drogë, që ka bërë që policia të shtrijë hetimet, ku si rezultat i hetimeve dyshohet se një kompani që importon verë në Shqipëri kryen edhe tregtimin e drogës përmes mënyrës së sofistikuar, duke përzier kokainën me verë. Sipas këtyre burimeve, dyshohet se vera që sillet e përzier me kokainë derdhej në një pajisje të ambalazhuar, e cila pas përtharjes ndanë verën nga kokaina. Nga burimet e policisë, mësohet se grupi hetimor ka siguruar disa të dhëna të origjinës së importit të verës, transportuesit të saj dhe shpërndarësit në Shqipëri, ku gjatë ditëve në vazhdim dhe me dorëzimin e dosjes hetimore pranë Prokurorisë së Krimeve të Rënda hetimi do të vazhdojë me metoda speciale të hetimit. Dy shtetasit Tomi Rrumbullaku dhe Diana Xibraku, vdiqën nga toksikimi pas një dreke në një restorant në Golem të Kavajës, në janarin e 2008-s. Sipas të dhënave hetimore, viktimat kishin konsumuar edhe një shishe verë, e cila nga ekspertiza rezultoi se kishte përqendrim të lartë lënde narkotike të llojit kokainë.

Shqip