Gjykata e Apelit me relator gjyqtarin Pajtim Hoxha ka lene ne fuqi, fjale per fjale vendimin e gjykateses Fatmira Hajdari per ceshtjen e flete-thirrjes se ish-ministrit te Transporteve Lulezim Basha, derguar nga prokuroria ne 24 nentorin e shkuar.
Procesi me dyer te mbyllura ka zgjatur vetem 30 minuta dhe pas pretendimeve te avokatit mbrojtes dhe prokurorit, Gjykata e Apelit dha vendimin e saj. Apeli deklaroi te pavlefshme gjithashtu te gjitha aktet proceduriale te hetimeve te pas 6 nentorit deri ne 6 dhjetor. Gjykata e Apelit ne kete menyre ka vendosur te anulloje cdo veprim qe prokuroria ka bere nga 6 nentori deri ne 6 dhjetor 2008.

Por burime te larta te Prokurorise thane se ky vendim nuk ndikon ne procesin gjyqesor qe do te nise ne 27 shkurt ne Gjykaten e Larte, pasi ceshtja e shqyrtuar sot nga Apeli, ishte thjesht proceduriale dhe pasoja e vetme do te jete se prokuroria do te dergoje nje tjeter flete-thirrje per Bashen.

Gjithashtu lidhur me vendimin per pavlefshmerine e akteve te mepasme qe lidhen me ceshtjen ne fjale, burime te prokurorise, jashte grupit hetimor, thone se ne fakt pas dates 6 nentor, nuk ka asnje akt tjeter hetimor ose qe lidhet me hetimet, ndaj vendimi i Apelit nuk sjell asnje pasoje ne procesin e deritashem hetimor.

Prokuroria keshtu do kerkoje te vazhdoje gjykimi. Nga ana tjeter mund te jete mbrojtja, e cila do te pretendoje se klienti i tyre eshte i zhveshur nga akuzat sipas vendimit te Apelit.

Tashme cdo gje mbetet te dore te Gjykates se Larte dhe fillimit te procesin ne 27 shkurt. Gjithnje nese protagonisti kryesor, Basha, do te jete i pranishem ne proces, apo do te jete ne detyre ne udhetime jashte shtetit.
Top Chanel