Fatjona Mejdini
Kryeministri Berisha ka "kryqezuar" dje vendoret per rritjen e taksave, per biznesin e vogel, pikerisht ne momentin kur duhej te merreshin masat per parandalimin e krizes, duke paralajmeruar shfuqizimin e tyre, ne momentin me te pare. Qeveria me ane te nje projektligji qe pritet te kaloje se shpejti ne qeveri, do te nderhyje per te mos lejuar rritjen e metejshme te taksave te vendoreve, per biznesin e vogel ne vend. Ky ishte premtimi qe kryeministri Berisha beri ne mbledhjen e djeshme te qeverise, pasi ngriti shqetesimin ne lidhje me rritjen e disa taksave nga ana e pushtetit vendor, per biznesin e vogel. Nisur nga ky fakt, Berisha i kerkoi ministrit te Financave, Ritvan Bode qe te hartoje menjehere nismen qe pritet t'i vere fre ketij abuzimi. "Si sot dy jave, ne mbledhjen e qeverise, do te percaktojme te gjitha qendrimet ligjore ndaj kesaj manie te rritjes se taksave ndaj biznesit te vogel", iu drejtua kryeministri ministrit te Financave, Bode. Sipas Berishes, nga sinjalet qe ai ka marre se fundmi, autoritetet vendore kane rritur ne menyre te ndjeshme disa lloje taksash per biznesin dhe kryesisht per ate qe kategorizohet si i vogel. Kryeministri deklaroi se rritja e taksave per bizneset deri ne masen 50% nga ana e vendoreve, eshte e papranueshme per filozofine e vete qeverise dhe ne kushtet kur kriza ekonomike boterore, ka prekur pjesen derrmuese te vendeve. "Te rrisesh taksat per biznesin e vogel ne kete periudhe, eshte nje mase jashtezakonisht e demshme per ta, per punesimin dhe vjen ne nje kunderthenie te hapur me perpjekjet e qeverise per te amortizuar pasojat e krizes, per te mos thene se vjen ne nje kunderthenie te hapur me filozofine tone te taksave te uleta", deklaroi kryeministri Berisha, duke shtuar se vete qeveria po ben uljen e taksave qe varen nga ajo. Ne kete kuader kryeministri Berisha gjeti rastin ti beje thirrje te gjithe vendoreve qe ta rishikojne edhe nje here kete ceshtje, sepse ajo merr nje rendesi te vecante per qeverine dhe politikat e saj. "Eshte detyre e te gjithe zyrtareve dhe qeveritareve te te gjitha niveleve, qe te marrin masa per te amortizuar pasojat e krizes ne vend. Pra, rritja e taksave mbi biznesin e vogel eshte realisht e rrezikshme. Ata aq e kane kapacitetin, dhe nuk duhet t'i shtohen taksat ne asnje menyre", deklaroi kryeministri Berisha ne mbrojtje te biznesit te vogel. Sipas tij, qeveria eshte treguar e kujdesshme te 4-fishoje garantin per qeverite vendore dhe nisur nga kjo, keto qeveri nuk kane asnje arsye, per te qene abuzive me barren fiskale ndaj biznesit te vogel. Nisur nga problematika e shfaqur, kryeministri Berisha rikujtoi se edhe vitin e kaluar qeveria qe ai drejton, ka nderhyre ne mbrojtje te biznesit te vogel, pasi nga qeverite vendore u shfaqen tendenca per te rritur taksen e gjelberimit dhe taksen e pastrimit.
koha jone