Tiranë -Informacionet më të fundit për zgjedhjet, kanë të bëjnë me disa probleme që nuk ishin hasur më parë gjatë votimeve.

Në Shijak dhe në njësinë numër 7 në Tiranë, anëtarë të komisioneve zonale të Partisë Socialiste janë kapur me stilolapsë me kamera. Ndërkohë, në komunën Zarë në Sarandë, kreu i kësaj komune ka hyrë brenda qendrave të votimit, duke bërë presion mbi komisionet zonale. Kryetari i kësaj komune, është përzgjedhur në siglën e Partisë Socialiste.


KQZ: Procesi zgjedhor normal në të gjithë vendin


Tiranë -Komisioni Qendror i Zgjedhjeve, ka bërë të ditur para pak minutash se procesi zgjedhor po shkon normalisht në të gjitha zonat e vendit, përveç rasteve sporadike. Zëdhënësi i KQZ-së, Leondard Olli tha në konferencën e parë, se zgjedhjet po zhvillohen pa probleme në të gjitha zonat.


“Kemi perpunuar të dhënat e para si nga KZAZ-të dhe sekretarët e qendrave të votimit. Nuk ka pasur asnjë shqetësim për hapjen e qendrave të votimit. Me raste sporadike kanë munguar komisionerët për shkak të vonesave. Gjithçka ka ecur normalisht dhe ka përfunduar shpërndarja e bazës materiale. I vetmi shqetësim ka qenë mungesa e bojës për vulosjen e fletëve. Kanë të qenë të pakta dhe sporadike këto raste, por KQZ ka marrë masat per të çuar bojen, ndërsa për rastet e zonave të thella është bashkëpunuar me krerët e komunave dhe kryepleqtë”-tha Olli.


“Vëshguesit dhe anëtarët e komisioneve zonale të bashkëpunojnë me mediat për të mundësuar informacionin. Media të ketë informacion dhe akses në të gjitha zonat”-tha më tej ai. Duke folur për konferencën e Partisë Socialiste, Olli tha se është mirë që partitë politike të mos paraqesin simbole që mund të influencojnë mbi votuesit.
start