Të premten, më 25 shator, në Munih të Gjermanisë

Besim Kabashi, kampion botëror në thaiboks të premten, më 25 shtator 2009, ka në program meçin vijues për të mbrojtur titullin e kampionit botëror në thaiboks për peshën deri në 95 kilogramë, sipas rregullave K1. Kundërshtar i Kabashit do të jetë anglezi John Love. Deri sa Besim Kabashi, nga Gurrakoci i Istogut, që jeton e vepron në Augsburg të Gjermanisë, ka një përvojë të gjatë në ring dhe ka zhvilluar shumë meçe të forta, kundërshtari i tij, i cili do të tentojë t´ia rrëmbejë titullin e kampionit botëror është më i ri nga mosha, ka vetëm 20 vjet dhe deri më tash në konkurrencën profesioniste ka zhvilluar 17 meçe prej të cilëve 15 i ka fituar (12 me KO) dhe 2 herë ka pësuar humbje.
Kundërshtari i Kabashit është fitues i turneut K1 në Britani të Madhe dhe është kualifikuar për finalen turneut të madh K1 në Japoni. Porse siç na tha Besim Kabashi, ai nuk i frikësohet këtij kundërshtari, ngase ka ngadhnjyer edhe ndaj kundërshtarëve të tjerë që kanë garuar në K1. Kabashi thotë: Më duhet të kem kujdes më të madh nga goditjet e kundërshtarit me gju, ngase ai këtë e ka “specialitet”. Edhepse ai është 20 vjeçar dhe mjaft ekpsloziv, unë jam më i vjetër për 13 vjet, prandaj kam përvojë më të madhe.
Kjo mbrëmje e boksit ku do të zhvillohen edhe meçe tjera interesante do të mbahet të premtën, më 25 shtator 2009, në hallen Circus Krone që gjendet në Circus Krone str. Meçet fillojnë nga ora 19.30, kurse ata që nuk kanë mundësi të jenë prezentë në sallë, meçet nga ajo mbrëmje do të transmetohen në programin televiziv sportiv gjerman, DSF, më 1 tetor.
M. Halili
bota sot