Shifra të larta të trafikimit të femrave dhe të të miturve

AURORA DAMINI

30/03/2008 Fier, mblidhet Komiteti Rajonal i Luftës Kundër Trafiqeve. Të dhënat, 20 femra jashtë kufirit ilegalisht

Komiteti rajonal i Luftës Kundër Trafiqeve ka realizuar një takim të zgjeruar në prefekturën e qarkut Fier, në qendër të të cilës ka qenë parandalimi dhe goditja e trafikut të qenieve njerëzore. Ky sektor ka publikuar edhe shifrat e të gjithë personave që janë trafikuar gjatë vitit 2007.

Sektori i luftës kundër trafiqeve të qenieve njerëzore ka publikuar edhe shifrat e të trafikuarve gjatë vitit 2007.

Statistikat

Shifrat zyrtare flasin për një numër të lartë të qenieve njerëzore të trafikuara, ku evidentohen rreth 20 gra të trafikuara gjatë vitit 2007 dhe një minoren. Gjatë mbledhjes së posaçme, përfaqësuar nga prefektura Fier, nga shoqata të ndryshme me karakter social, është organizuar tryeza e dytë e rrumbullakët pas tetorit të vitit të kaluar.

Ndër të tjera është përmendur edhe trafikimi i brendshëm si një fenomen mjaft i vështirë për t’u luftuar.

”Një rëndësi e veçantë iu dha luftës kundër trafikut të brendshëm të qenieve njerëzore, ka thënë shefi i zyrës së luftës kundër trafiqeve në Drejtorinë e Policisë së Qarkut Fier, Leonidha Danaj, luftës së eliminimit të trafikut të fëmijëve si brenda, ashtu edhe jashtë vendit, zbulimit të këtyre rasteve përveç se parandalimit të tyre dhe për shumë arsye trafiku i qenieve njerëzore do të vazhdojë dhe nuk pretendojmë se ky fenomen është eliminuar plotësisht”.

“Lufta”

Në këtë tryezë u theksua se trafiku i qenieve njerëzore nëpërmjet rrugëve detare është minimizuar. Specialisti i luftës kundër trafiqeve njerëzore në Drejtorinë e Policisë së Qarkut Fier, ka thënë se është bërë një luftë e vazhdueshme ndaj personave të implikuar në trafiqe të ndryshme.

”Puna jonë është përqendruar në luftën kundër trafikimit të qenieve njerëzore, kalimit të jashtëligjshëm të personave në kufi nën moton luftë dhe tolerancë zero ndaj personave të implikuar”.

Për vitin 2008, ky sektor ka pasur një numër më të vogël të të trafikuarve. Vetëm para dy ditësh është arrestuar një shtetas për kalimin e paligjshëm të kufirit, i shoqëruar nga 3 femra.

Shifra të larta të trafikimit të femrave dhe të të miturve

Shifra të larta të trafikimit të femrave dhe të të miturve

Shifra të larta të trafikimit të femrave dhe të të miturve :: Komentet