Një tjetër deklaratë e bujshme nga kryeministri Sali Berisha, këtë radhë për Gramoz Ruçin, një ndër emrat kryesorë të Partisë Socialiste i njohur si “dorë e fortë” e opozitës.

Berisha e akuzoi Gramoz Ruçin se ai ka dalë rrugëve për të ikur në Greqi i maskuar duke u veshur si grua dhe komentoi se “një burrë që bën të tilla gjëra s’mund të jetë më burrë”.

“Gramoz Ruçi, menjëherë pas bojkotit që i bëri zgjedhjeve të 26 majit 1996 u largua për në Greqi me rroba grash”, - theksoi Berisha dhe vazhdoi:

“Nuk zgjodhi as fustanellën por minifund dhe një gjë të tillë e keni të fotografuar”, - tha Berisha, duke shtuar se është hezituar të publikohet fotoja e rrallë e Ruçit me minifund.

Gramoz Ruçi ishte Ministër i Brendshëm i Shqipërisë gjatë periudhës 22 shkurt, 1991 - 10 tetor, 1991. Ai u përfol shumë atëherë si ideator i masakrës së 2 Prillit 1991 në Shkodër. (noa/albeu)