Nga Edison Ypi
Jo vetem Berisha, jo vetem ne Shqiperi, dhe jo vetem ne kohen tone. Njerezit e medhenj, te gjithe pa asnje perjashtim, sundonjes te ndritur, diktatore te eger, demokrate te lemuar, lidere te kultivuar, kondotiere trima, qe nga faraonet e Egjiptit, Aleksandri i Maqedonise, perandoret e Romes, Napoleoni, e deri tek Churchilli e De Goli, qe nga ag-u i qyteterimit e me siguri deri ne muzgun e tij, te gjithe keta, bashkepunetoreve prej te cileve bezdisen pa shkak, qe ankohen kot, hedhin ickla, u rritet mendja, nxjerrin telashe, u bejne te njejten gje, i bejne Selam. Te beret Selam nuk eshte qellim, eshte mjet. Me te vetmin variacion se, ndersa njerezit vertet te medhenj ate mjet e perdorin rralle, njerezit e vegjel, gdhe dhe arrogante karrieriste te paskrupullt, e perdorin gjeresisht ne menyrat me vulgare. Si shporrje, si hakmarrje, si syrgjyn, si triumf mbi inferioret e ndershem por te dobet. U vjen hidhur apo embel, duan apo s'duan ta pranojne selamet tane dhe ata te cileve selameve pas u vine, ne te beret Selam Berisha eshte sigurisht nje gjeni i pashoq. Se ty mund te te duket se Berisha s'te ka bere Selam, por, ta zeme, Alekum, domethene dicka te shenjte, dhe me ato mend vazhdon e jeton, domethene frymon, gjallon, hyn e del, iken e vjen, shet a blen, kepuce sportive italiane, fishekzjarre kineze, makina koreane. Por, ne fakt, ta shohesh pak me holle, jo brendaperbrenda vetes, sepse ne kete menyre vetegenjehesh, por nga jashte-brenda, pra nga dikush apo disa te tjere, qe eshte nje veshtrim dhe vleresim me i sakte, ai s'te ka bere asgje me teper dhe asgje me pak, asgje me te keqe dhe asgje me te mire, se Selam. Mund ta kesh si te duash emrin; Hasan, Hysen, Selman apo Sabaudin. Ama po i zure udhen buldozerit Berisha, ai te sheshon, te uniformizon, te ben Selam. Po pse budallenj jemi une e ca te tjere qe Berishen e duam por Berishes nuk i afrohemi ?! Jo se jemi frikacake, por thjesht nga droja se Berisha nga keq-informimi gabimisht mund te na beje Selam. Domethene Haxhinj pa kthim, semurur me zgjebe, mbetur ne rerat a arabike duke na bere hyzmet ca beduine te lodhur. Se nje gje eshte e sigurt; Po te beri Berisha Selam, harroje se pas kesaj mund te ndodhi qe te behesh ndonje gje tjeter me teper se Selam. Kudoqofsh dhe kushdoqofsh, kudo punofsh dhe kudo jetofsh, ne Shqiperi, Evrope, Amerike, po te beri Berisha Selam, Selam je, Selam do mbetesh, Selam do vdesesh. Sepse nga Selami i Berishes, sidomos nga qesharakizmi qe e shoqeron ate Selam, nuk shpeton dot kurren e kurres. Kjo, ngaqe Berisha, selamllekun e tjetrit, e strukturon ne menyre aq gjeniale, qe edhe vet' Berishes po t'i kthehet mendja, tjetri nga selamlleku i tij te mos sherohet kurre. Dhe ka te drejte. Sepse, per shembull, ti e sulmon Berishen ne gazete apo ne televizion me menyra nga me te peshtirat, nga me te felliqurat, nga me te padenjat, nga me te perbindshmet, qe kalojne kufij qe nuk i arrin, jo asnje moral sado i semure apo inekzistent, por edhe asnje imagjinate, duke i pergojuar atij madje edhe ate qe per shqiptarin eshte e shenjte, familjen. Dhe pas gjithe ketyre prapesirave te pashembullta, te duket vetja gazetar i madh. Mirpo kalon koha, Berisha pa u ndalur vazhdon punen, takimet, udhetimet, festat, inaugurimet, qokat, dhe ty qe s'ndal se reni legenit, s'te pjerdh fare, me ty hic s'merret, njesoj sikur nuk ekziston. Qe do te thote se te ka bere Selam. Ose, ngaqe i ke ndejtur nje kohe te gjate prane duke i sherbyer si vegel, ti, me shjejtanbudallallekun tend kujton se Berisha te ka bere demek djale per shpirt. Por kalon ca kohe, mendja te eshte rritur tej mase, icklat i ke shpeshtuar, si vegel je ndryshkur, dhe, tek nis e kujton disa detaje qe ne te kaluaren te ishin dukur te pa rendesishme, zbulon me habi te madhe se paske qene vetem vegel. Dhe befas i tmerruar kupton se gjithcka tjeter vec te qenit vegel kishte qene iluzore, dhe se Berisha Selam te ka bere qe ne castin e pare qe te ka njohur. Rasti me tipik kur Berisha te ben Selam eshte kur edhe e njeh per epror edhe nuk i bindesh. Ose i bindesh, por me hile trashanike, aty per aty, ne pritje qe pucin t'ia besh me vone. Ka dhe raste jo tipike qe s'kane lidhje me bindjen dhe besimin. Kjo ndodh kur je aq i paafte, aq i ngathet, sa Berisha, pasi ben si ben dhe te duron per nje fare kohe, nje dite te bukur permes disa frazave qe ti si leshko nuk i kupton te ben Selam. Ky eshte rast paksa i vecante ngaqe ben pjese ne rastet kur ti si tuhaf qe je te beret Selam e merr vesh me vone. Kjo u ndodh disa selamllareve berishiane te cilet pas ca kohesh nisin e thone me vete dhe me te tjere; Po pse ky Berisha me beri Selam mua te gjorin kot me kot, une atij s'i bera asnje te keqe etj. etj. Rastet kur Berisha te ben Selam jane edhe me te larmishme. Per shembull, ndodh qe, per shkak te rrethanave qe nuk varen prej tij, Berisha para se te te beje Selam, mund te te beje dicka tjeter; nepunes te larte, kryetar, deputet, minister, madje edhe president. Pastaj, per arsyet qe u permenden me lart, apo edhe te tjerave, njera prej te cilave mund te jete se ke qene spiun i Sigurimit, Berisha te ben Selam. Jo se ta thote qe te kam bere Selam sepse ke qene spiun apo bashkepunetor. Kete nuk ta thote kurre. Kete te le ta kuptosh vete. Po e kuptove, mire, vuan pak. Po s'e kuptove, shume keq, sepse vuan deri sa te vdesesh. Por edhe po e kuptove edhe po s'e kuptove, meqenese Berisha nuk kthehet kurre mbrapsht, nga selamlleku i Berishes nuk shpeton dot. Prandaj jo me kot kane nisur e thone; "Pas murit te vjeter dhe para Berishes, mos rri". Pas murit te vjeter jo, sepse muri i vjeter nga casti ne cast mund te rrezohet dhe te ze nen te. Para Berishes jo, sepse Berishes po i bere numra ne cast te ben Selam. Jo se Berisha eshte prift qe te te pagezoje, apo nun qe te te vere emrin, apo mag qe te mallkoje. Berisha nuk eshte asgje e tille. Berisha eshte Berisha. Kjo eshte aresyeja qe berja Selam nga Berisha nuk duhet kuptuar si venie nofke, por si dicka shume me e thelle. Dicka qe nuk e kupton dot menjehere. Dicka si dyshimi i gomarit, te cilin, nderkohe qe ujku po e kafshonte, pyeste veten nese ishte ne enderr apo zgjuar. Ose edhe me thjesht; Berisha te ben Selam ne nje menyre te atille, pas se ciles te le gjithe kohen duke dyshuar nese te beri masazh apo te rrahu. Dilema keto prej te cilave zor se mund te dalesh ndonjehere. Gjithmone nese e ke kuptuar deri iku qe Berisha te ka bere Selam. Se ndodh jo rralle qe nuk e kuptojne kurre se Berisha prej kohesh i ka bere Selam. Ky variant i fundit, ky kurth prej nga s'del dot asnje Selam, qe s'ka asnje lidhje me karakterin e Berishes, por vetem me dedikimin e tij te pafundme per te miren e Shqiperise, dhe rrjedhimisht mungesen e kohes qe ai te jape shpjegime, eshte me i shpeshti, me i dhimbshmi, dhe me fatkeqi, sepse i pa sherueshem. Keto ne nje kendveshtrim kohor afatshkurter. Ne kendveshtrim afatgjate, pra pa iu referuar ndonje rasti konkret, pasi Berisha te ka bere Selam, dhe pasi ka kaluar nje fare kohe pas se ciles e ke marre deri diku veten, ti qe dy pare mend ne koke i ke, nis e kupton, se te beret Selam, pra ajo qe ne fillim te ishte dukur fatkeqesi, ne fakt kishte qene nje fatmiresi e madhe ne formen e nje kure pa ilace qe Berisha, ky edukator i madh, ta fal, ta dhuron, per te miren tende, qe te zesh mend, te mos perseritesh gabime te tjera, kur te tjera pune te besh. Sepse jeta vazhdon, dhe ne fund te fundit berja Selam nuk eshte berje Harram. Eshte thjesht nje drame e vogel e atyre qe kuturisin Berishes t'ia hedhin, dhe aq, asgje me teper. Te beret Selam Berisha e ka perfeksionuar aq teper sa ai, gjithmone me hak', te ben Selam me lehtesine me te madhe. Qofsh ne pushtet apo ne opozite, prane apo larg tij, edhe ne brime te miut po te jesh fshehur, Berisha edhe atje te gjen dhe Selam te ben. Mund te ndodhi qe pasi Berisha te ka bere Selam, pra pasi Berisha te ka harruar, ta kujtosh ti Berishen. Ne keto raste Berishes nuk i vjen kurre zeri, eshte gjithmone shurdh dhe eshte e kote t'i flasesh. Cka do te thote se duhet me se fundi te kuptosh, se te kane ikur te gjithe trenat, jane zhdukur krejt fugonet, s'dihet ku jane bicikletat, pra ke mbetur ne mes te udhes, eshte nate, autostopizmi ne Shqiperi nuk funksionon, Berishen dhe te beret Selam ben mire t'i harrosh, bej si te mundesh, mbaja nga te duash. Selamlleku i Berishes ka edhe nje cilesi tjeter bajagi interesante. Po te beri Selam Berisha, mos prit te te bejne ndonje gje tjeter te tjeret. Pas Berishes, edhe te tjeret nje pas nje Selam do te bejne. Dhe Selam pas Selami, harrim pas harrimi, pendim pas pendimi, dyshim pas dyshimi si mes nje orteku te verber guresh qe zbret nga mali, pisk do ta kesh. Per ta kuptuar me mire sa me siper po marr nje shembull nga vetja. Kur une ulem para kompjuterit te shkruaj dicka, ndodh qe, me pretendimin absurd per tu pavdekesuar ne perlen e rradhes, me bezdis ndonje mize. Ate mize aq pretenduese, une qe s'jam as Napoleon, as Ali Pashe, as Berishe, nuk e bej dot Selam, e bej Sikter.

koha jone