SEMINARI NDËRKOMBËTAR

”FILOZOFIA, ETIKA DHE SFIDAT E NJERIUT SOT”

Ditën e shtunë, me 17 dhjetor 2011, në Tiranë u zhvilluan punimet e Seminarit Ndërkombëtar me temën bosht:
”FILOZOFIA, ETIKA DHE SFIDAT E NJERIUT SOT”
Ky seminar u organizua nga Fondacioni ”RUMI”, kurse punimet u zhvilluan në ambientet e Hotel "Tirana International", në sallën "Balshaj", duke filluar në orën 9:30.
Për realizimin e kësaj ngjarje me rëndësi në fushën e filozofisë dhe shkencës, morrën pjesë dijetarë, studiues, mendimtarë të shquar, si dhe të ftuar nderi nga Shqipëria, Kosova, Maqedonia, Presheva, Franca e Bullgaria.

Moderatore e Seminarit ishte Edlira Osmani, e cila si gjithnjë, e kreu detyrën e saj për bukuri...
Në këtë Seminar Ndërkombëtar morrën pjesë me përshëndetje dhe kumtesa:
1. z. Ali Amonuei, Ambasador i Republikës Islamike të Iranit në Tiranë.
2. Prof.dr. S.H.Nasr, profesor i Studimeve Islame, Universiteti George Washington,SHBA, fjalë përshëndetëse, n’emër të tij.
3. Prof.dr. Alfred Uçi, Tiranë, akademik, fjalë përshëndetëse.
4. Dr. Qazim Qazimi, Dekan i Fakultetit të Studimeve Islame, Prishtinë, Kosovë, fjalë përshëndetëse.
5. Sejjid Amir Husein Asghari, drejtor i Fondacionit “Rumi”, fjalë përshëndetëse.
6. Dr. Christian Bonaud, studiues i filozofisë krahasuese, Francë, lexoi kumtesën me titull: ”Farabiu dhe lidhja ndërmjet fesë dhe filozofisë.
7. Dr. Gjergj Sinani, Përgjegjës i Departamentit të Filozofisë-Fakulteti i Shkencave Sociale, Tiranë, lexoi kumtesën:”Misticizmi kristian dhe ai slam.
8. Dr. Gjergj Pendavinji, Zv.Rektor i Universitetit ”Fan Noli”, Shqipëri, lexoi kumtesën: Filozofia dhe shkencat-një kompleks raportesh të ndryshme dhe të ndërsjellta.
9. Dr. Ramiz Zekaj, Drejtor i Insitutit të Mendimit dhe Qytetërimit Islam, Tiranë, në mungesë, e lexoi kumtesën, një bashkëpunëtor i tij, me titull: ”Gjithësia dhe njeriu në optikën e filozofisë dhe doktrinës islame.”
10. Dr. Metin Izeti, Universiteti Shtetëror i Tetovës, lexoi kumtesën:”Qasje religjioze të religjionit”.
11. Dr. Velin Belev, ”New Bulgarian University, Sofia, Bullgari, lexoi kumtesën në gjuhën frënge dhe arabe, me titull:”Aspekte mistike të Natës së Kadrit.”

Pas një pushimi të shkurtër, n’ora 12 filloi Sesioni i Dytë me këtë renditje:

1. z. S.Amir Husein Asghari, Drejtor i Fondacionit “Rumi”, Tiranë, lexoi kumtesën: “Kritikë Shkencës Moderne nga pikëpamja e shkollës Tradicionaliste.
2. Prof. Arber Haxhiymeri, Universiteti “Aleksander Xhuvani”, lexoi kumtesën:”Pamje të estetikës në artin islam të ndërtimtarisë.”
3. Ph.D. Abdullah Rexhepi, Preshevë, kandidat doktorature në Letësinë Perse, Universiteti ”Terbiati Modares” Teheran, Iran, lexoi kumtesën: “Filozofia islame, nevoja për kulturën e mendimit shqiptar.”
4. Znj. Mirela Sinani, Fakultetit i Shkencave Sociale, Universiteti i Tiranës, lexoi kumtesën: ”Filozofitë lindore dhe ndikimi greko-arab në shek. XIII
5. Mexhid Yvejsi, Studiues i fesë dhe filozofisë, Gjakov, Kosovë, lexoi kumtesën: ”Filozofia dhe religjioni”
6. Dorian Sevo, studiues nga Shqipëria, me kumtesën: ”Filozofia dhe religjioni”.
7. Dr. Arber Sulejmani, hulumtues, Maqedoni, me kumtesën:”Roli i fesë në të ardhmen”.

Në përfundim të Sesionit të dytë, Kori i Vajzave të Kolexhit “Sa’adi” të Tiranës, këndoi për bukuri disa ilahi...

Përfundim me një përurim...

Në Sesionin e tretë të Seminarit Ndërkombëtar, që filloi n’ora 13, u ba përurimi i librit ”Filosofia Islame nga zanafilla e saj deri sot:
Filosofia në tokën e profetësisë”.
Titulli i origjinalit të këtij libri është:
ISLAMIC PHILOSOPHY FROM ITS ORIGIN TO THE PRESENT
Philosophy in the land of prophecy
Seyyed Hossein Nasr
Albany: State University of New York Press, 2006

Botimi shqip:
FILOSOFIA ISLAME NGA ZANAFILLA E SAJ DERI SOT
Filosofia në tokën e profetësisë
Sejjid Husein Nasr
Shqipërimi & parathënia: Edin Q. Lohja
Redaktimi & korrektuar: Ornela Ademovi
Tiranë, Fondacioni Rumi, 2011
Libri ka 313 faqe.
Për këtë libër përmendore, për vlerat autorit dhe rëndësinë e veprës së tij folën dy studiues të rinj: Ervin Lani nga Shkodra dhe Abdullah Rexhepi nga Presheva.
Ervin Lani foli për dijetarin dr. Sejjid Husein Nasri, kurse Abdullah Rexhepi për rëndësin e veprës së tij.
Sipas referuesit, zAbdullah Rexhepi, thënë shkurt, ky libër paraqet një vështrim gjithëpërfshirës të filozofisë islame nga shekulli i nëntë e deri sot. Brenda kësaj tradite, ku profetësia është realiteti qendror i jetës, i lidhur jo vetëm me sferat e veprimit dhe etikës, por edhe me atë të dijes. Krahasime me filozofinë e krishterë dhe hebreje nxjerrin në pah raportin ndërmjet arsyes dhe shpalljes, ose filozofisë dhe fesë.
Dr. Sejjid Husein Nasr e paraqet filosofinë islame në lidhje me traditën islame në tërësi, por e trajton këtë filosofi gjithmonë si filozofi, jo thjesht si histori intelektuale. Krahas pjesëve që trajtojnë zhvillimin e përgjithshëm historik të filozofisë islame, mjaft krerë shtjellojnë filosofë të më vonshëm e kryesisht të panjohur. Vepra i kushton vëmendje të posaçme edhe traditës perse.
Autori në këtë vepër thekson se tradita islame është traditë gjalluese me domethënie thelbësore për botën islame dhe raportin e saj me Perëndimin. Duke siguruar këtë hyrje themelvënëse ndaj një tradite të keqkuptuar në Perëndim, Nasr u tregon qartë lexuesve se filozofia islame ka shumë për t'i ofruar botës bashkëkohore në tërësi...

Mexhid YVEJSI, Gjakovë