Lamtumira e papritur e Tares: Më kërkuan të mos jem më shqiptar
Tani në postin specifik të Lacios: ndërmjetës mes klubit e skuadrës

Igli Tare i ka thënë "mjaft" futbollit të luajtur nga Kombëtarja dhe Lacio. Një lamtumirë e papritur edhe nga vetë ish-sulmuesi i Kombëtares së Shqipërisë, i cili ka lënë të nënkuptohet se kjo ka qenë një nga zgjedhjet më të mira për sa u përket mundësive të pakta që ai ka pasur në dorë. Një vendim i marrë me shumë vështirësi nga Igli, pas një karriere shumë të pasur, të nisur te Partizani në 1993 dhe të vazhduar më pas në nivelet e larta në Bundesliga dhe në Seria A, tashmë e ardhmja e tij do të jetë në një nga postet drejtuese të Lacios.

Lamtumira

Lamtumirë shqiptare, pasi nesër do të bëjë një tjetër lamtumirë në një konferencë shtypi në Itali, ku në krah pritet të ketë edhe drejtuesit e Lacios, e ka bërë pikërisht aty ku e nisi me Kombëtaren, nga një konferencë shtypi. "Doja të jepja një lajm, që për mua personalisht jo shumë dëshiruar, është tërhequr kështu Tare, sepse tani do të jap dorëheqjen përfundimtare nga futbolli i luajtur, si nga Lacio. Një vendim i marrë për një arsye që unë do ta shpjegoj më poshtë. Por për të gjitha sukseset e tij, Igli ka dashur të falënderojë publikisht babain e tij dhe dy trajnerët Pllumb Shqarri dhe Musa Fagu, të cilët i mësuan "abc"-në e futbollit. "Besoj që jam edhe krenaria e tyre, konfirmon Tare, që nuk harron të falënderojë edhe publikun, tifozët e zjarrtë kuqezi që e kanë mbështetur. I falenderoj të gjithë tifozët, të gjithë trajnerët e mi me të cilët kanë punuar në këto etapa të Kombëtares".

Shkaku

Vërtet ka qenë një tërheqje e papritur, pasi të gjithë prisnin që edhe pse 35-vjeçar, ai do vazhdonte edhe të paktën një sezon në serinë A. Por gjithçka kjo e ka një shkak, dhe ai nuk ngurron ta rrëfejë atë. "Kam pasur një ofertë nga Lacio për të vazhduar si futbollist akoma edhe për dy vite, por ka qenë një kusht për të cilin unë nuk isha aspak dakord: duhej të jepja dorëheqjen nga nënshtetësia shqiptare dhe të bëhesha komunitar, gjë të cilën unë e kam kundërshtuar, madje kam pasur edhe disa debate me drejtuesit e klubit të Lacios. Më pas kemi rënë dakord që të më jepet një ofertë tjetër".

E ardhmja

Megjithatë ai do të jetë sërish në futboll, ose e thënë më saktë, ai është krenar, se pasi ka dalë nga dera e madhe e futbolli, do të hyjë sërish po nga ajo derë. "Më kërkuan që të pranoj të jem si drejtues, ose si dirigjent i Lacios. Roli do të jetë pak a shumë si drejtor teknik, por duke qenë se unë nuk e kam akoma licencën, do të gjendet një lloj formule për ta shfrytëzuar këtë gjë. Falënderoj presidentin e Lacios, Lotio, që më dha këtë mundësi shumë të madhe, pasi është një gjë shumë e rëndësishme për mua". E ka pranuar me shumë dëshirë këtë sfidë, por ai e di mirë se asgjë nuk do të jetë e lehtë. Megjithatë është i gatshëm ta përballojë. "Një mundësi që rrallë herë u jepet lojtarëve të Serisë A. Në të ardhme do ta justifikoj besimin që më është dhënë nga presidenti dhe nga drejtuesit e lartë".

Lacio


Tare pranoi postin,

pasi e refuzuan tre


Menjëherë pas lamtumirës së Igli Tares në Shqipëri, ka qenë presidenti i Lacios, Klaudio Lotito, ai që ka dalë para mediave italiane për të sqaruar edhe rolin që shqiptari do të ketë në shoqëri: "Do të ketë një rol ndërmjetësi mes skuadrës dhe klubit, ky është rol i domosdoshëm. E kam provuar këtë edhe me persona të tjerë, por asnjëri s‘e ka pranuar. Kam zgjedhur atë sepse është një person që ka njohje ndërkombëtare, flet pesë gjuhë të huaja dhe është karizmatik. Mund t‘i japë një kontribut të madh klubit si bashkues cilësish". Ndërkohë që konfirmon se ende nuk e ka emrin e drejtorit teknik të Lacios: "Akoma asnjë". Sa i shpejtë hapi nga fusha në tavolinë: Igli Tare është një drejtues i ri i Lacios. Sipas edicionit të djeshëm të "Corriere dello Sport", Lotito e ka vlerësuar gjithmonë Taren. Më parë ky post u ishte ofruar në fillim Perucit, pastaj Xhordanos e Markegiani, por ata s‘kishin pranuar.

Të dhëna biografike


Emri: Igli Tare

Datëlindja: 25 gusht 1973

Vendlindja: Shqipëri (Vlorë)

Kombësia: Shqiptar

Gjatësia: 192 cm

Pesha: 89 kg

Roli: Sulmues

Aktualisht: I tërhequr

Karriera

Klubet profesioniste

1993-1994 Partizani ? (?)

1994-1995 Val. Manhajm ? (?)

1995-1996 S. Ludgigshafen ? (?)

1996-1997 Karlsruhe 8 (0)

1997-Tet.‘99 F. Dyseldorf 54 (24)

Tet.‘99-Jan.‘01 K‘lautern 26 (4)

Jan‘01 ↑ Breshia 17 (4)

2001-2003 Breshia 58 (11)

2003-2005 Bolonja 55 (11)

2005-2008 Lacio 51 (4)

Kombëtare

Shqipëria 67 (10)
Shqip