Denis Dedej
Koha Jone
E Marte, 08 Janar 2008
Kryetari i Asamblese Kombetare te Partise Socialiste, Gramoz Ruci, eshte shprehur se Edi Rama do te jete Kryeminister i vendit, ne rast se opozita fiton zgjedhjet ne vitin 2009. Ne nje interviste te dhene per emisionin “Opinion Plus”, te Blendi Fevziut, ne TV Klan, Ruci ka hequr perfundimisht cdo hamendje te mundshme ne lidhje me postin e kreut te ekzekutivit ne periudhen post Berisha. “Zoti Meta eshte kryetar i LSI dhe Rama i PS-se. Ne jemi force opozitare me vete, ato jane me vete, ne nuk e dime kush do ta fitoje. Ne hyjme per te fituar vete, si PS. Ai qe fiton zgjedhjet duhet te jete edhe Kryeminister i vendit. PS nuk duhet te beje gabime te se kaluares. Per kete drejtim, nuk duhet pasur ekuivok se kush do te jete kryeminister, nese PS do te jete ne pushtet”, ka qene deklarata e prere e numrit dy te PS, Gramoz Ruci, teksa ka nderprere te gjitha shpresat e perseritjes se precedentit “Haradinaj” dhe ne Shqiperi, duke orientuar tere fjalen e tij drejt demokracive perendimore, qe kryetari i partise qe fiton zgjedhjet, eshte automatikisht kryetar i qeverise. Ai ka nenvizuar njeheresh se dhe shqiptaret do te jene te lumtur qe kryetari i Bashkise se Tiranes, te jete edhe Kryeminister. Duke kerkuar nje qeverisje solide, Ruci eshte shprehur se duhet te marre fund dhe historiku i qeverisjes me shume kryeministra, sic ka ndodhur me PS, ku ne gjashte vite ka nderruar 6 kryeministra dhe 50 ministra. Por Ruci nuk ka munguar te shprehet se skena politike shqiptare nuk duhet te kete kaq shume parti. Per te 2 parti jane pak, dhe duhet te kete maksimumi deri me 6 parti. “Te gjitha sistemet jane demokratike, por Shqiperia ka problematikat e veta. Problem eshte “Dushku”, duhet gjetur nje sistem qe e eliminon. Se dyti, ekzistenca ne parlamentin shqiptar te 13 partive parlamentare, ne demokraci, 2 parti jane pak, 3 jane shume. Por, po te marrim edhe kohen e PS dhe PD-se ne qeveri, stabilitetit e qeverisjes le shume per te deshiruar, pasi partite e medha ngelen peng e partive te vogla”, ka deklaruar Ruci, per te cilin, ne rast se vazhdohet me kete sistem, Shqiperia serish do mbetet peng dhe s’do kete stabilitet ne qeverisje. “Per mua, sistemi gjerman dhe ai spanjoll do te ishin sisteme qe i shkonin pershtat Shqiperise”, tha ai, duke u shprehur se nuk duhen shqiptarizuar.
Kryetari i Asamblese Kombetare te Partise Socialiste, Gramoz Ruci, shpreh tere deshiren e tij per nje marreveshje mes kreut te qeverise, Berisha dhe kreut te PS, Edi Rama, ne funksion te reformave integruese. Ne nje interviste te dhene ne emisionin “Opinion Plus” te Blendi Fevziut ne TV Klan, Ruci e sheh si te domosdoshme nje marreveshje te tille, e cila, sipas tij, jo vetem qe do te qetesonte politiken shqiptare, por dhe do te hapte rruge per reformat themelore ne vend, qe do te sillnin dhe ftesen e shumepritur per integrimin ne NATO. “Une do te isha shume i lumtur nese do te kishte nje marreveshje midis ketyre dy njerezve, por nuk ka”, eshte shprehur Ruci. Duke saktesuar dhe njehere rendesine e reformes zgjedhore dhe reformes ne drejtesi, Ruci eshte shprehur se PS dhe lidershipi i saj eshte i vendosur te jape mbeshtetjen maksimale, duke garantuar ne kete menyre dhe mbeshtetjen e opozites. “Ne rastin konkret, duke qene se jemi para nje sfide te madhe, sigurisht Shqiperia ka detyra shtepia dhe shume kryesore, reforma ne drejtesi dhe ajo zgjedhore, kryetari i PS dha “ok” qe keto detyra shtepia te mos behen pengese”, komenton Ruci propozimin e djeshem te Rames per nje projektrezolute . Ai ka vleresuar dhe Nanon, por duke u shprehur se problemi i Nanos eshte vete Nano.