Skandali, Basha tallet me dekretin e presidentit

Kjo histori nuk fillon sot. Historia e një dekreti mund të thotë dikush. Historia e një shteti. Historia e një presidenti e një kryeministri e një ministri të jashtëm apo e një z. ministre të jashtme apo ministri të drejtësisë.Presidenti i Republikës, Bamir Topi firmos dekrete të cilat humbasin, vidhen, zhduken apo edhe grisen. A mund të ketë skandal më të madh shtetëror? Ky është shteti drejtësisë që ne kërkojmë t’u ofrojmë si pasqyrë NATO-s së marsit të këtij viti, apo Bashkimit Evropian. Çfarë besimi mund të ketë një qytetar i thjeshtë kur vet presidenti nuk është garant i firmës së vet? Vallë për këtë autoritet të institucionit të Presidentit të Republikës, kanë votuar shqiptarët? Është shumë e rëndë kur fshihet dekreti i presidentit por është më e rëndë kur bashkëvjedhës mund të bëhet firmëtari i këtij dekreti duke u pajtuar, duke ndenjur indiferent a duke mos reaguar. Dekreti i Presidentit të Republikës për emërimin e Ambasadorit të Shqipërisë në Japoni, me nr datë...nuk është publikuar nga Gazetën Zyrtare të Republikës së Shqipërisë. Interesimet tona pranë qendrës zyrtare të botimeve e cila varet nga ministri i ri i Drejtësisë i janë mbyllur dyert me forcë nga drejtoresha e kësaj qendre, por po kjo qendër nuk i është përgjigjur edhe Sekretarit të Përgjithshëm të Presidencës, Flloku, i cili vet dje e quajti një skandal të vërtetë, por vetëm kaq. Duket si një komplot i fshehtë midis institucioneve kundër shtetit apo ligjit. Rasti në fjalë, është shumë i dukshëm dhe ngre disa pikëpyetje. Pse ky dekret i presidentit, me propozim të kryeministrit për emërim ambasadori në Japoni nuk vazhdon procedurën e agrementit nga MPJ? Burime nga ceremoniali i MPJ, konfidencialisht na thonë se mos e shkoni ndërmend. Ka disa projekte të vëna tashmë në vijë në fushën e shëndetësisë ku kanë interesa z/titullarë të lartë të MPJ, së bashku me ata që punojnë tashmë në diplomaci me Japoninë. Është rasti i vetëm, pohojnë po të njëjtat burime të ceremonialit, që ne nuk po fillojmë kërkesën e agrementit për një ambasador. Kjo kërkesë bëhet menjëherë pavarësisht ndodhet apo nuk ndodhet Ministri i Jashtëm në zyrë. Ministri Basha është i detyruar të respektojë firmën e presidentit, dhe të kryeministrit, jo më ta vonojnë atë për më shumë se 50 ditë çuditen diplomatët ceremonialit. Po kryeministri Berisha, i cili e ka nisur këtë dekret si lejon të shkelet me këmbë firma e tij apo është në dijeni të kësaj loje? Me këtë hije skandali në marrëdhëniet diplomatike me Japoninë, kryeministri Berisha do të zhvillojë vizitën e tij në Tokio? Po sikur kryeministri japonezë, të pyes kryeministrin tonë se ç’bëhet me dekretin nr...datë.. të presidentit për ambasadorin shqiptar që prej 50 ditësh si do të përgjigjet ky i yni? Kjo mënyrë bashkëpunimi do t’i ofrohet palës japoneze gjatë vizitës së tij, dyshojmë se mund të jetë e suksesshme. Të shikojmë dhe të (mos) presim. Sot po publikojmë një kopje, që na ra në dorë, të dekretit të zhdukur a tretur. Në numrat e ardhshëm do të nxjerrim disa fakte të tjera, të këtij ajsbergu duke pritur reagim civil nga titullarët e institucioneve rojtarë të ligjit të lagura me ujërat e këtij ajsbergu.