Fatjona Mejdini
Ngritja e flamurit perkrah atyre te vendeve te tjera anetare te NATO-s do te behet sot edhe para selise se Kryeministrise. Vetem pak minuta para fillimit te mbledhjes se qeverise, ne menyre simbolike, ne prezence te kryeministrit Berisha do te behet ngritja e flamurit para kryeministrise. Duke e permbyllur ne kete menyre tere ciklin disaditor te anetaresimit te Shqiperise ne NATO. Nderkohe qe vetem disa dite pas anetaresimit ne strukturat e Aleances se Atlantikut te Veriut, Shqiperia ka hedhur syte ne drejtim te rajonit te Ballkanit perendimor, per te dhene kontributin e saj per "thithjen" dhe te ketyre vendeve ne NATO. Ka qene kryeministri Berisha, ai i cili deklaroi dje per mediat ne Bruksel se, Shqiperia do te ishte nje avokate edhe per anetaresimin e vendeve te rajonit ne NATO. Duke ju pergjigjur pyetjeve te gazetareve ne lidhje me anetaresimin e Kosoves, Bosnjes dhe Malit te Zi, kryeministri theksoi se anetaresimi i tyre do ti shperbente paqes dhe stabilitetit te metejshem ne rajon. "Anetaresimi i dy vendeve tona sot eshte nje ogur shume i mbare per Bosnjen, Kosoven, Malin e Zi dhe per te gjithe rajonin. Ne do te jemi avokatet me te mire te tyre, sikunder do t'i japim cdo ndihme te mundshme qe procesi i integrimit te tyre drejt NATO-s te eci me hapat e merituara", deklaroi kryeministri Berisha per anetaresimin dhe Shqiperise dhe Kroacise ne NATO. Sipas tij, perfshirja e Malit te Zi dhe Bosnje-Hercegovines karten Adriatik eshte nje tregues i mire per te ardhmen e tyre ne aleances. Po keshtu kryeministri Berisha theksoi se edhe Maqedonia si pjese e rendesishme e rajonit, duhej te behej pjese e Aleances. "Maqedonia e ka vendin te sigurt ne Aleancen e Atlantikut te Veriut, pritet vetem zgjidhja e problemit qe ka me Greqine", deklaroi Berisha, duke theksuar se futja ne aleance ishte zgjidhja me e mire per paqen dhe stabilitetin ne rajon. Nderkohe qe kreu i ekzekutivit shqiptar uroi dje qe mes Greqise dhe Maqedonise te zgjidhej edhe ceshtja e emrit e cila nuk kishte lejuar shtetin fqinje te behej pjese e Aleances se Atlantikut te Veriut. Sipas Berishes, Shqiperia uronte qe Maqedonia te behej sa me shpejt pjese e NATO-s. Gjate nje ceremonie solemne me pjesemarrjen e Sekretarit te Pergjithshem te NATO-s, Shefer kryeministri Berisha la te kuptohej se realizimi i kesaj endrre, ka ardhur edhe si pasoje e bashkepunimit me forcat e opozites. Pas ketij momenti historik, kryeministri Berisha dhe homologu i tij kroat, Sanader ne nje konference te perbashket per shtyp, shprehen falenderimet dhe pikepamjet e tyre ne lidhje me kete anetaresim historik per te dy kombet. "Ishte nje fat i madh per mua te asistoja dhe ta shoqeroja ne momentin, kur ky flamur do te ngrihej me lart se kurre ne historine e tij", tha Berisha. Shqiptaret, sipas tij, e festuan me krenari anetaresimin e Shqiperise ne NATO, duke ditur te vleresonin edhe rendesine e madhe te kesaj ngjarje historike per kombin.
koha Jone