Fatjona Mejdini

Kryeministri Berisha e konsideroi diten e djeshme kryetarin e Partise Socialiste, Edi Rama si nje shpirtzi i pashembullt, i cili me moskandidimin e tij kerkon t'ia prishi shqiptareve festen e demokracise. Nga nje miting i organizuar ne qytetin e Korces, kreu i qeverise e ftoi perseri kryetarin e PS-se, Edi Rama te futet ne listat e partise se tij, si deputet, sepse perseri ishte i gatshem te mblidhte Parlamentin, per te ndryshuar ligjin elektoral. "Do t'i beje nje apel Edvin Rames: Zoti Edvin, ti po tregon se je nje shpirtzi i pashembullt, ne historine e ketij vendi. Je nje shpirtzi qe nuk ke shok askund. Ti nuk kandidove, sepse do t'ia prishesh shqiptareve dasmen e demokracise, por une te jap fjalen ty se, do te perfundosh ne arkivat e turpit te historise dhe ne do ta ndertojme Korcen evropiane dhe Shqiperine evropiane", deklaroi kryeministri Berisha, gjate nje mitingu te mbajtur ne Korce, pas vizitave ne disa komuna te kesaj zone. Ne fjalen e tij perpara banoreve te Korces, kryeministri i ftoi ata qe te votonin qeverine aktuale, per nje mandat te dyte. Sipas kreut te ekzekutivit, ceshtjet baze ku qeveria e drejtuar prej tij, do te bazohej ne rast te nje mandati te ardhshem, ishte eliminimi i varferise dhe papunesise, ne vend. Kreu i qeverise premtoi rritjen e standardit te jetes per cdo shqiptar, gjate kater viteve te ardhshme. "Me rritjen e pagave, pensioneve, me dyfishimin e ndihmes ekonomike, ne ia kemi dale te nxjerrim nga varferia 400 mije shqiptare. Para jush zotohem se ne mandatin tone te dyte, nuk do te kete shqiptar qe te marre nen 2 dollare ne dite, kudo qe ai ndodhet ne Shqiperi", deklaroi Berisha perpara banoreve te Korces. Sipas tij, veprat e shumta infrastrukturore te ndertuara ne vend, do te jepnin rezultatet e tyre pozitive, duke punesuar nje numer te madh qytetaresh shqiptare. Njeheresh, Berisha ka deklaruar ne Korce se, qeveria zotohej per te punesuar 160 mije qytetare, ne rast se ajo do te fitonte nje mandat te dyte, gje per te cilin ai u shpreh i sigurte. "Ne kater vite ne punesuam 80 mije qytetare, por ne kater vitet qe vijne ne do te punesojme mbi 160 mije qytetare. Por ku do t'i punesojme ne keta? Vetem ne hidrocentrale, gjate tre muajve,ne kemi perfunduar kontratat per 104 prej tyre, nder te cilet edhe gjiganti i Evropes, kaskada e Devollit me 68 kilometra tunel", theksoi Berisha. Po keshtu ai theksoi se gjate kater viteve te ardhshme te mandatit te dyte, cdo shqiptar, ne te gjithe vendin, do te kishte pa nderprerje uje te pijshem ne shtepine e tij. Sipas Berishes, ne mandatin e ardhshem perfundonin edhe nje sere veprash te rendesishme rrugore dhe infrastrukturore te cilat do ti jepnin vendit nje fytyre te re Evropiane.
Koha Jone