Basir Collaku
Ne nje fjalim ne vitin 2004, Presidenti amerikan Xhorxh Bush, thoshte se "ka momente ne jeten e nje kombi, ne te cilat ai pret pak nga lideret e vet. Ky nuk eshte nje nga ato. Ky eshte nje moment qe ka nevoje, ne kemi nevoje, per zgjidhje te sigurta, per nje pikepamje te qarte dhe per nje besim te thelle ne vlerat qe na kane bere nje komb te madh".

Duke rrokur dendesine e madhe te ngjarjeve politike ne Shqiperi, shoh se kjo thenie e mencur, lexohet sikur te jete e shkruar, e thene per ate qe ndodh ne vendin tone ne keto dite qe jane bartur me tension jo te paket, e me nje ardhmeri te turbullt per pritshmerine politike apo sociale. Pas se dieles se 8 majit 2011, kur nepermjet votimit ne vendosem zyrtarizimin e administratoreve ligjore te qyteteve, problemet, ne vend qe te pakesoheshin u shtuan ne mase. Duke marre shembull fjalen e Presidentit amerikan Xhorxh Bush, qe i drejtohej kombit te madh e fisnik te vendit te tij, duke lexuar letren e Edi Rames dy dite me pare, diferenca ne besim dhe frike eshte e madhe, sepse kemi mberritur ne nje cast ne jeten e kombit shqiptar, e Shqiperise, ku fatet anohen te marrin kosto te madhe, sepse ka qelluar rastesisht apo me metoda te tjera lider i opozites, nje politikan fort telashprodhues. Nje politikan drejtues i opozites se majte, i cili ne thelb te produktit te tij rrethanor ka dhunen maksimale, duke mos harruar as armet. Zoteri me te coroditur e me rrezikshmeri me te larte shoqerore ne politiken shqiptare se sa Edi Rama ne keto dy dekada, eshte veshtire te hasesh ne inventarin e ngjarjeve qe kane ndodhur. Duke renditur radikalizimin e tij, oferten e re te dhunes mbi drejtesine, mbi jeten e cdo qytetari, cmoj se duhet te marrim seriozisht dy problem te medha, precedente te tjere te krijuar rrezikshem me sjelljen sa individuale aq edhe politike. Perpara se te nis te bisedoj per dy shqetesimet, dua te ve ne dukje se letres se rrezikshme luftarake, revolucionare, te armatosur keqas te Edi Rames, si shkrumbim te Shqiperise nese ai humbet, i jane pergjigjur 124.785 qytetare te Tiranes. Te gjithe keto letra jane thjeshtesisht votat e 8 majit, jane qendrime kunder Rames, letra me peshe ligjore katervjecare, mbushur me vullnet pro Bashes ne te dielen e gares, ku kryeqyteti dha modelin me demokratik te komunikimit me Kushtetuten.

Ti kthehemi letres ultimative te Rames dhe problemet sipas meje, qe ajo sjell. Se pari, nese teorikisht gjithnje, presioni ushtarak qe buron nga shkresa cinike e Rames merr pergjigje pozitive nga institucionet ligjore te administrimit te procesit, duke e bere ate fitues, themelet e votes shemben perfundimisht. Para syve nga e nesermja e nje vendimmarrjeje te tille, ne kemi modelin tragjik per te drejten qe sa here nje vendim konkurrues elektoral prodhon rezultat kunder teje, atehere formula per ta permbysur e bere ne favorin tend eshte skema "Rama". Permbys, dhuno, kerceno, kanos, mos ler kusur pa bere ndaj individeve e familjeve te atyre qe kane ne dore te marrin vendime. Ver ne rrezik, ashtu si thote Edi Rama se " Vendimi i Kolegjit, ka pasoja per jeten e cdo shqiptari", duke lajmeruar se askush nuk do te jetoje i qete ne kete vend, nese atij nuk i jepet mandati i kryebashkiakut edhe padrejtesisht Drejtesia, perflet zoti Rama, eshte e duhur vetem kur i adresohet personit te tij, ne te kundert shqiptaret do ta kene pisk per te jetuar ne shtepite e tyre, bizneset e tyre, me miqte e tyre, ne shtetin e tyre, aq me keq t'u shkoje mendja te integrohen ne Bashkimin Evropian. Kjo pergjigje shuan shenjterine e votes dhe e rendit dhunen si mjet komunikimi institucional, duke na rikthyer ne dhjetera vite pas, me pamundesi korrigjimi.

Se dyti nese institucionet vazhdojne te japin drejtesi duke vleresuar proceduren dhe vendimmarrjen sipas hierarkise se shkalleve te gjykimit, atehere zoti Rama humbet, ashtu si ka ndodhur me mandatin e bashkise se Tiranes, sepse ka marre me pak vota se Lulzim Basha. Kjo do ta conte ate drejt premtimmbajtjes se radikalizmit, rikthimit te djegieve e shkaterrimeve, per te rrezuar marrjen e statusit kandidat per ne BE te pakten, dhe degraduar qetesine, ekonomine e gjithcka tjeter te shumten. Ne te dy rastet, Rama ka djegur shanset per te qene aktor respektues i ligjit. Gjykatesit jane ndjere te kercenuar me jete ne fjalite e zotit Rama dhe truperisht, asnje nga qeveritaret e drejtesise nuk mori mundin te flase se eshte kapercyer pragu. Mbi Kolegjin, mbi gjyqtaret, mbi trupen profesionale te drejtesise, Rama ka drejtuar 21 janarin e tij te gatshem. Kete e ka bere nepermjet nje letre, duke lene menjane me arrogance 124.785 letrat qe jane shkruar nje muaj me pare kunder tij.

As marrezia e Hitlerit nuk ka mberritur ndonjehere deri ne frazen se "Megjithate, llogarite me friken i kane bere gabim." Njeriu qe nuk ka lexuar qarte 124.785 letrat(votat) kunder tij, pro Lulzim Bashes, pro Partise Demokratike, qe e kane refuzuar te jete drejtues i Tiranes, jane ndjere te dhunuar nga fjala e radikalit, tek shkruante se "dua te shtoj se nga dhenia ose jo e drejtesise per kete ceshtje, varet fati i puneve te Shqiperise e shqiptareve per kohe te tera ne vijim...S'ka dyshim se nje tjeter vule e gabuar e Kolegjit Zgjedhor do ta fuste Shqiperine ne nje rreth kritik dhe integrimin e saj evropian nen nje pikepyetje shume te madhe. Shqiperia do te humbiste, pa dyshim, trenin e radhes per statusin e vendit kandidat per Bashkimin Evropian." Kemi pare zyrtare te krekosur te Keshillit te Larte te Drejtesise, qe kane muaj duke rendur per te bere patriotin, duke mbyllur syte e veshet ndaj kercenimit qe u behet qytetareve. Nuk u ndalen dot pese minuta nga bredhjet neper qytete e shtete per te firmosur partine e tyre te re, per te menduar njehere se e drejta e 124.785 qytetareve eshte vene ne rrezik nga Edi Rama. Ky keshill, tashme me drejtues sportive, qe nuk kane hall drejtesie, nuk flasin per te mbrojtur gjykatesit, por vrapojne te llakosen per te folur ne takime politike e patriotike, ka mbyllur misionin, ose ka bere kompromisin me kercenuesin. Nuk eshte e rende, mesazhi qartesohet me veprim nga njera pale qe eshte zoti Rama dhe mosveprim nga pala tjeter qe eshte pjesa drejtuese e KLD. Ne fund te leximit te perseritur thuhet se Rama shkroi letren me te deshperuar te jetes se tij, duke tentuar te shpetoje jeten politike si kryebashkiak e kryesocialist, me trazimin e fateve te shqiptareve. Aty vihet re se Rama kerkon te shpetoje nga ata qe e kane rrethuar ne parti, te justifikohet me ta, te laje "borxhet" duke kerkuar qe vendimi i drejte te merret sa me pare, sigurisht kunder tij e pro Lulzim Bashes. Sic ai e di, drejtesia vonon por nuk harron. Ish-kryebashkiaku socialist ka nisur te krehe zyren dhe te shkruaje letra. Ka shume personazhe politike qe i kthehen shkrimit pas nje detyre pushteti, kur jane lodhur ne te. Shembuj politikanesh shqiptare nuk mungojne.

Koha Jone