[b]Peshkopi -[/b] Kryeministri Sali Berisha u ndal dje në Peshkopi, ku mori pjesë në inaugurimin e një tjetre vepre publike, fillimin e punimeve për sistem-asfaltimin e rrugës Ura e Cerenecit-Peshkopi (Maqellarë-Peshkopi) loti 2.Kjo rrugë fillon në Maqellarë dhe lidhet me rrugën e Arbrit, përmes segmentit Ura e Cerenecit- Bllatë.

Kryeministri e vlerësoi shumë të rëndësishme për zhvillimin e zonës lidhjen e këtij segmenti me rrugën e Arbrit, ndërsa theksoi se “ndërtimi i rrugës sw Arbrit është një premtim elektoral i mbajtur i qeverisë”.

“Kjo rrugë shumëfishon marrëdhëniet tregtare dhe marrëdhëniet e gjithanshme me Maqedoninë mike dhe bën që gjithë portet e Shqipërisë të jenë gjithnjë e më të përzgjedhur e më të përshtatshme, për Maqedoninë dhe për Bullgarinë perëndimore”, tha Kryeministri. Ai theksoi se rruga e Arbrit do të jetë rruga e fluksit të madh turistik.

Së shpejti, vijoi Kryeministri, do të nisë dhe ndërtimi i rrugës që bashkon Peshkopinë me Librazhdin, ndërsa këtë vit akademik në Peshkopi do të çelet edhe universiteti.
start