Kryeministri Berisha takohet me liderët botërorë në Samitin e Ndryshimit të Klimës në SHBA. Kryeministri Berisha shprehu gadishmërinë për një intensifikim të marrëdhënieve me vendet e tyre si në rrafshin politik ashtu dhe në atë ekonomik.

Kryeministri i Shqipërisë, z. Sali Berisha mori pjesë përkrah lidërve botërorë në hapjen e Samitit mbi Ndryshimin e Klimës që zhvillon punimet në SHBA. Gjatë seancës së samitit, platen e përshëndeti President i Shteteve të Bashkuara të Amerikës, Barak Obama dhe Sekretari i Përgjithshëm i OKB-së, Ban Ki Moon.
Pas ceremonisë, në kuadër të Samitit të Ndryshimit të Klimës, Kryeministri Berisha ishte i ftuar në drekën zyrtare dhe pasdite mori pjesë në Tryezën e Rrumbullakët të Kryetarëve të Shteteve dhe të Qeverive, të cilët diskutuan gjerësisht mbi këtë temë kaq shqetësuese për mbarë botën.
Ndërkohë më herët, Kryeministri Berisha, u takua me liderë botërorë dhe drejtues të organizatave ndërkombëtarë, pjesëmarrës në sesionin e 64-të të Asamblesë së OKB-së, në Nju Jork. Z. Berisha pati rastin të takohet dhe të bisedojë me Sekretarin e Përgjithshëm të OKB-së, Ban Ki Moon, me Presidentin e Kinës Hujintao si dhe me disa homologë të tij, Kryeministrin e Japonisë, Hotajama, Kryeministrin e Kuvajtit, Kryeministrin e Australisë, Kryeministrin e Zelandës së Re. Gjithashtu zu takua edhe me Presidentin e Austrisë, me Presidentin e Finlandës dhe disa personalitete te tjera , te pranishem në Samit.
Gjatë bisedës me ta u diskutua dhe u shkëmbyen pikëpamje mbi zhvillimet në Shqipëri, reformat e ndermarra nga qeveria shqiptare për integrimin e vendit në BE. Ne fokus te bisedimeve ishin gjithashtu edhe zhvillimet ndërkombëtare.
Kryeministri Berisha ftoi liderët boterorë të vizitojnë Shqipërinë si dhe u shprehu atyre gadishmërinë për një intensifikim të marrëdhënieve me vendet e tyre si në rrafshin politik ashtu dhe në atë ekonomik.
bota sot