Berisha-Barroso: Liberalizim i vizave
Fatjona Mejdini







Kreu i qeverise, Berisha, gjate takimit qe zhvilloi dje ne Bruksel, me Presidentin e Komisionit Evropian, Barroso, e garantoi perfaqesuesin e larte te BE-se se Shqiperia po ben cdo perpjekje per te arritur te liberalizoje vizat e qytetareve te saj per ne Evrope. Duke permendur nje sere reformash te kryera dhe te tjera si reforma zgjedhore qe jane ne perfundim e siper, Berisha deklaroi se po behen te gjitha perpjekjet e duhura per te arritur nje integrim sa me te shpejte. Nga ana e tij, Presidenti i KE-se, Barroso, deklaroi se Komisioni Evropian ishte i gatshem te jepte te mbeshtetje si financiare, ashtu edhe teknike, ne menyre qe Shqiperia te arrinte te merrte sa me shpejt statusin e vendit kandidat ne Bashkimin Evropian.

Nje nga temat e rendesishme e diskutuara dje mes Kryeministri Berisha dhe Presidentit te Komisionit Evropian, Hoze Manuel Barroso, ishte edhe regjimi i vizave mes Shqiperise dhe vendeve te Bashkimit Evropian. Keshtu ne konferencen e perbashket per shtyp, kreu i qeverise Berisha theksoi se Shqiperia ishte duke i marr te gjitha masat qe do t’i conin qytetaret e saj drejt vizave te lira. Berisha shprehu bindjen se liberalizmi i vizave do te ndodhte shpejt, por pa dhene nje afat te caktuar. Nga ana e tij, Presidenti i KE-se shprehu angazhimin e komisionit per te ndihmuar financiarisht dhe teknikisht Shqiperine ne keto masa. “Siguroj Kryeministrin Berisha per mbeshtetjen qe KE do t’i jape Shqiperise, si financiarisht ashtu edhe ne fusha te tjera”, deklaroi Barroso ne konferencen e perbashket per shtyp. Nga ana tjeter, kreu i qeverise, Berisha, deklaroi se e kishte informuar Barroson per te gjitha reformat e rendesishme qe ishin marre ne vend, mes te cilave edhe ajo zgjedhore. Ndonese u theksua ndihma qe BE do t’i jepte Shqiperise per plotesimin e reformave, perseri Barroso dhe Berisha nuk dhane nje date ne te cilen pritej edhe anetaresimi i Shqiperise ne Bashkimin Evropian. Po keshtu, nuk u dha edhe nje date mbi kohen kur Brukseli duhet te bente ratifikimin e Marreveshjes se Stabilizim-Asocimit mes dy vendeve.

Kryeministri Berisha takoi dje ne Bruksel edhe Kryeministrin belg, Ives Leterme. Ne kete takim, Kryeministri belg beri te ditur vendimin e marre nga qeveria belge per hapjen se shpejti ne Shqiperi te zyres konsullore perfaqesuese te Mbreterise belge. Kjo konsullate pritet te jete nje hap shume i rendesishem ne procesin e lehtesimit te vizave. Po keshtu ne fjalen e tij, Kryeministri i Belgjikes deklaroi se qeveria belge ka si qellim uljen e tarifave per marrjen e vizave nga qytetaret shqiptare. Nga ana e tij, Kryeministri Berisha vleresoi si nje lajm te shkelqyer hapjen e zyres konsullore belge ne Shqiperi, si nje lehtesim per te gjithe shqiptaret ne marrjen e vizave. Po keshtu, te dy kryeministrat vleresuan marredheniet shume te mira qe ekzistojne mes dy vendeve dhe shprehen vullnetin e tyre te perbashket per thellimin e metejshem te ketyre marredhenieve, ne fusha me interes te perbashket. Kryeministri belg shprehu vleresimin e tij mjaft pozitiv dhe te qeverise se tij per nenshkrimin e MSA-se se Shqiperise me BE-ne si nje etape shume te rendesishme, e cila do te pershpejtoje integrimin e Shqiperise ne Evrope. Ne kete kontekst, Leterme theksoi se Belgjika do te mbeshtese hapat e ndermarra ne drejtim te permbushjes se kritereve, nga ana e Shqiperise, per t’u bere pjese e familjes se madhe te BE-se.

Fratini hapi negociatat per vizat ne Tirane

Zevendespresidenti i Komisionit Evropian, Franko Fratini, vizitoi me 7 mars Shqiperine per te dhene mesazhin se KE po hap dialogun me vendin tone per te liberalizimin e plote te regjimit te vizave. Ne fjalen e tij, Fratini theksoi se ishte optimist se ky proces me Shqiperine mund te perfundonte brenda mandatit te kreut te KE-se, Barroso, qe perfundon ne vitin 2009. Gjate deklarimit te tij perpara medieve, Fratini e cilesoi kete mesazh si nje prove te madhe besimi ndaj Shqiperise. Por, sipas tij, vendimi per te hapur dialogun me vendin tone ka ardhur si rezultat i progresit qe ka bere Shqiperia ne reforma dhe punes se mire te ministrive ne permbushje te kritereve per liberalizimin e vizave.

Por, nga ana tjeter, Fratini theksoi se Bashkimi Evropian kishte kushtet e tij per te bere te mundur qe qytetaret shqiptare te kalonin pa vize ne vendet anetare te tij.

Permiresimi i sigurise se dokumenteve, lufta kunder kriminalitetit dhe emigracionit te paligjshem, mbrojtja e kufijve te jashtem te vendit tuaj, jane pikerisht ajo cka do BE, tha ne fjalen e tij Fratini per kete proces.