Denis Dedej
Deputeti i Partise Socialiste, Ben Blushi, deklaroi dje se do te hyje ne Kuvend ne javen e pare te marsit. Deklarata e themeluesit te Levizjes per Mendimin Ndryshe ne seline roze erdhi pas mbledhjes se Asamblese Kombetare te PS. Anetari i Kryesise se partise me te madhe ne opozite, beri te ditur se ne mbledhjen e Asamblese me dyer te mbyllura deklaroi se, pavaresisht nga vendimi qe mund te marre grupi parlamentar, te cilin nuk ka arsye ta paragjykoj, do te jete ne Parlament ne javen e pare te marsit. "Do te jem ne Parlament ne javen e pare te marsit, jo se me ben pershtypje letra e Jozefina Topallit, jo se kam ndonje emergjence, jo se kam frike se mandati im do te digjet. Do te jem ne Parlament si shprehje e vullnetit tim dhe lirise sime personale, se kjo sakrifice bojkoti ishte e pafrytshme", u shpreh deputeti i PS, Ben Blushi. Duke vijuar me tej arsyetimin e tij, ai sqaron se "qe ne fillim nuk ishte nje sakrifice qe PS kerkoi, ishte nje vendim personal i kryetarit te PS, i cili pati nje emergjence ne shtator-tetor, per t'u rizgjedhur". Sipas tij, kjo detyroi qe te merrte nje rruge radikale, si kjo qe socialistet jane futur sot, por e cila rezultoi e pafrytshme. "I kerkova Asamblese Kombetare ne kushtet kur forumet e tjera te PS nuk jane mbledhur prej kohesh qe ta rishqyrtoje vendimin e vet. I mbetem asaj qe kam thene qe ne krye te heres, ne shtator, qe bojkoti eshte nje strategji e gabuar e PS, i cili nuk pati sukses", deklaroi anetari i Kryesise socialiste. Me tej, ai vleresoi se "duhet te behet nje bilanc edhe per shkak te bojkotit, kutite nuk u hapen, socialistet nuk provokuam dot zgjedhje te parakohshme, PS nuk i dha dot Shqiperise opoziten qe Shqiperia meriton, nje opozite parlamentare, te forte, solide, e cila mund te ndertoje nje aksion politik me te forte ne Parlament, se sa jashte Parlamentit". Zyrtari larte socialist shprehu bindjen se, rruga e PS ishte dhe mbetet e pasuksesshme. Sipas tij, sot PS eshte me e dobet se ne shtator, eshte me e dobet se ne tetor, eshte me e dobet se ne nentor, sepse nuk ballafaqohet dhe eshte e pamundur te mundesh nje kundershtar, te cilin nuk e ke perballe. "Ne nuk mund te mundim nje kundershtar ne rast se nuk shkojme ne Parlament. Keshtu qe, une i bej apel miqesisht te gjithe deputeteve te PS, e bera edhe ne Asamble, qe te rishikojne me vullnet te lire vendimin e tyre per te shkuar ne Parlament sa me shpejt", apeloi Blushi. Deputeti socialist nenvizoi se nevoja per t'iu bindur nje politike te mbrapshte, e ka nje cak. Ai tha se rruga e bojkotit ishte joproduktive, madje e demshme per Partine Socialiste. "Ne qofte se ka nje force politike qe demtohet nga bojkoti, kjo pa dyshim eshte PS, nuk eshte Qeveria. Ne qofte se ka nje faktor ne Shqiperi qe ka interes per kete bojkot te gjate, kjo eshte Qeveria, sepse nje Qeveri pa opozite, pa dyshim qe eshte e lumtur", perfundoi fjalen e tij zyrtari socialist, Ben Blushi.

koha jone