PR: President nga populli e Parlament me dy dhoma


E Merkure, 16 Prill 2008

Grupi parlamentar i Partise Republikane pritet te dorezoj ne Kuvend disa amendime per Kodin Zgjedhor dhe Kushtetuten. Keshtu, Kryesia e PR-se doli mbremjen e djeshme me konkluzionin se PR duhet te paraqiste amendimet e saj, mes te cilave edhe percaktimi i parlamentit me dy dhoma dhe sanksionimin ne Kushtetute te zgjedhjes se Presidentit te Republikes nepermjet votes se qytetareve. Keshtu, aleati me i madh i PD-se ne qeverisje pritet te kerkoj nepermjet amendimeve qe shqiptaret te jene te perfaqesuar edhe me senatore, te cilet do te jene te mbledhur ne dhomen e senatit, dhome e dyte parlamentare. Kjo ide eshte artikuluar edhe me pare nga presidenti i Nderit te Republikaneve, Sabri Godo, i cili ka theksuar se senati do te ishte nje zgjidhje e duhur per parlamentarizmin shqiptar. Tashme perfaqesuesit e PR-se kane vendosur t'i hyjne rruges ligjore per realizimin e kesaj kerkese te tyre. Nga ana tjeter, republikanet do te kerkojne edhe zgjedhjen e Presidentit nga populli, duke e sanksionuar kete pike ne Kushtetute. Keto vendime u moren dje pas mbledhjes se Kryesise te mbajtur per me shume se 3 ore. Kjo mbledhje erdhi pas mbledhjes se eksperteve te partive te djathta, ku perfaqesuesi i PR-se ne tryeze, Arian Madhi, i raportoi Kryesise se republikaneve ne lidhje me diskutimet e bera per reformen. Keshtu, dje ekspertet ligjore te pese partive te vogla te djathta jane sqaruar nga keshilltari i Kryeministrit Berisha, Oerd Bylykbashi, ne lidhje me modalitetet e sistemit rajonal proporcional.

F.Mejdini